முன்னாள் ஜனாதிபதி மஹிந்த ராஜபக்ஷவுக்கு வழங்கப்பட்ட குண்டு துளைக்காத வாகனமும் இன்று (04.10) ஒப்படைக்கப்பட்டதாகத் முன்னாள் ஜனாதிபதியின் ஊடகப் பேச்சாளர், சட்டத்தரணி மனோஜ் கமகே, தெரிவித்துள்ளார். 

 அதன்படி, முன்னாள் ஜனாதிபதியின் பாதுகாப்புப் பணியாளர்களின் பயன்பாட்டிற்காக தற்போது ஒரு வாகனம் கூட இல்லை எனவும், இதனால் பாதுகாப்பு அச்சுறுத்தல்கள் ஏற்பட்டுள்ளதாகவும் தெரிவிக்கப்படுகிறது. 

முன்னாள் ஜனாதிபதிகளின் சலுகைகளை நீக்கும் சட்டமூலம் சமீபத்தில் பாராளுமன்றத்தில் நிறைவேற்றப்பட்டது, மேலும் முன்னாள் ஜனாதிபதிகளின் ஓய்வூதியம் தவிர மற்ற அனைத்து சலுகைகளும் இழக்கப்பட்டன.

 இதேபோல், முன்னாள் ஜனாதிபதி ரணசிங்க பிரேமதாசவின் மனைவியின் ஓய்வூதியம் மற்றும் பிற அனைத்து சலுகைகளும் இழக்கப்பட்டன. 

முன்னாள் ஜனாதிபதிகளின் சலுகைகளை நீக்கும் சட்டமூலம் நிறைவேற்றப்பட்ட பிறகு, முன்னாள் ஜனாதிபதி மஹிந்த ராஜபக்ஷ 11 ஆம் திகதி தான் வசித்து வந்த கொழும்பில் உள்ள விஜேராம மாவத்தையில் உள்ள அரசு பங்களாக்களை விட்டு தங்காலையிலுள்ள கார்ல்டன் வீட்டிற்குச் சென்றிருந்தமை குறிப்பிடத்தக்கது. 

லங்கா4 (Lanka4)

(வீடியோ இங்கே )

அனுசரணை