ஐரோப்பாவிற்கு எரிசக்தி நிறுத்தம்: புதின் அதிரடி உத்தரவு!!

மத்திய கிழக்கில் நிலவும் போர் மற்றும் ஹார்முஸ் நீரிணை முடக்கம் காரணமாக உலகளவில் எரிசக்தி தட்டுப்பாடு ஏற்பட்டுள்ள நிலையில், ரஷ்யா தனது எரிசக்தி விநியோகக் கொள்கையில் அதிரடி மாற்றத்தை அறிவித்துள்ளது. ​

ஐரோப்பிய சந்தைக்கான ரஷ்யாவின் எண்ணெய் மற்றும் எரிவாயு விநியோகத்தை முழுமையாக நிறுத்துவது (Halting supplies) குறித்து ஆய்வு செய்து, அதற்கான நடவடிக்கைகளைத் தொடங்குமாறு புதின் தனது அரசாங்கத்திற்கு உத்தரவிட்டுள்ளார்.

"ஐரோப்பா ஏற்கனவே ரஷ்ய எரிசக்திக்குத் தடை விதிக்கத் திட்டமிட்டுள்ளது; எனவே அவர்கள் நம் கதவை மூடும் வரை நாம் காத்திருக்கத் தேவையில்லை. அதற்கு முன்னதாகவே நாம் மாற்றுச் சந்தைகளை (குறிப்பாக ஆசியா) நோக்கி நகர வேண்டும்" என்று புதின் தெரிவித்துள்ளார். ​

அதேவேளை, "ஐரோப்பிய நாடுகள் அரசியல் அழுத்தங்கள் இன்றி, நீண்டகால அடிப்படையில் எங்களுடன் மீண்டும் ஒத்துழைக்க முன்வந்தால் மட்டுமே விநியோகத்தை தொடர முடியும்" என்ற நிபந்தனையையும் அவர் விதித்துள்ளார்.

ஹார்முஸ் நீரிணை மூடப்பட்டிருப்பதால் மத்திய கிழக்கிலிருந்து எண்ணெய் பெறுவது கடினமாகியுள்ள நிலையில், ரஷ்யாவும் கையை விரித்தால் ஐரோப்பா மிகக்கடுமையான எரிசக்தி நெருக்கடியைச் சந்திக்கும் என அஞ்சப்படுகிறது. ​ ​

2022-ல் உக்ரைன் போர் தொடங்கிய பிறகு ஐரோப்பா ரஷ்ய எரிசக்தி மீதான தனது சார்பைக் குறைத்தது. தற்போது ஈரான் போர் காரணமாக கச்சா எண்ணெய் விலை 119 டாலர் வரை உயர்ந்திருப்பதை ரஷ்யா தனக்குச் சாதகமாகப் பயன்படுத்திக் கொள்ள முயல்கிறது.

செய்திகளை அறிய தொடர்ந்தும் https://www.lanka4.com/ ஊடகத்துடன் இணைந்திருங்கள்

இச்செய்திக்கு பிரதான அனுசரணை

வீடியோ இங்கே