சில இடங்களில் மழையும், சில இடங்களில் சூரியன் உச்சம் கொடுக்கும்!

மத்திய, சப்ரகமுவ, மேற்கு, தெற்கு மற்றும் ஊவா மாகாணங்களிலும், அம்பாறை மற்றும் மட்டக்களப்பு மாவட்டங்களிலும் மாலை அல்லது இரவு வேளைகளில் மழை அல்லது இடியுடன் கூடிய மழை பெய்யக்கூடும் என்று வானிலை ஆய்வுத் துறை தெரிவித்துள்ளது. 

 மேற்கு மற்றும் வடமேற்கு மாகாணங்களின் கரையோரப் பகுதிகளிலும் காலி மற்றும் மாத்தறை மாவட்டங்களிலும் காலை வேளையில் மழை பெய்யக்கூடும் என்று திணைக்களம் வெளியிட்டுள்ள அறிக்கையில் தெரிவிக்கப்பட்டுள்ளது. 

 ஏப்ரல் 5 ஆம் திகதி  முதல் 14 ஆம் திகதி வரை சூரியன் வடக்கு நோக்கி நகரும்போது இலங்கையின் அட்சரேகைகளுக்கு மேல் நேரடியாக உச்சம் தரும் என்றும் வானிலை ஆய்வு மையம் தெரிவித்துள்ளது. 

துணுக்காய், ஒலுமடு, ஒட்டுசுட்டான், குமளமுனை மற்றும் செம்மலை ஆகிய பகுதிகளில் இன்று (13) மதியம் 12.11 மணியளவில் சூரியன் உச்சமாக காணப்படும் என வளிமண்டலவியல் திணைக்களம் தெரிவித்துள்ளது.

லங்கா4 (Lanka4)

அனுசரணை