கடன் ஒப்பந்தங்களில் இலங்கை வெளிப்படை தன்மையுடன் செயற்படவில்லை எனக் குற்றச்சாட்டு!

இலங்கையின் சர்வதேச கடன் பத்திரங்களில் முதலீடு செய்துள்ள குழுவொன்று நாட்டின் கடன் மறுசீரமைப்பு செயற்பாடுகள் தொடர்பில் கருத்து வெளியிட்டுள்ளது. 

உத்தியோகபூர்வ கடனாளிகளுடன் செய்து கொள்ளப்பட்ட உடன்படிக்கையில் தாங்கள் மகிழ்ச்சியடைவதாக அவர்கள் தெரிவித்தனர். இருப்பினும் செயல்பாட்டில் வெளிப்படைத்தன்மை இல்லாததற்கு வருத்தம் தெரிவித்தனர்.

இலங்கை மற்றும் ஜப்பான், பிரான்ஸ் மற்றும் இந்தியா உட்பட அதன் கடனாளி நாடுகளின் குழு ஒன்று புதன்கிழமையன்று நிலுவையில் உள்ள பொதுக் கடனில் $5.9 பில்லியன் கடனை மறுசீரமைப்பது தொடர்பான கொள்கை அடிப்படையில் உடன்பாட்டை எட்டியுள்ளது.

நாட்டின் சர்வதேச பத்திரக் கடன் சவால்களுக்கு நிலையான தீர்வைக் காண்பதற்கு, இலங்கை அதிகாரிகளுடன் கூடிய விரைவில் ஒரு உடன்படிக்கையை எட்டுவதற்கு தாம் உறுதியுடன் இருப்பதாக இலங்கை தற்காலிக பத்திரதாரர்கள் குழு தெரிவித்துள்ளது. 

இருப்பினும் துரதிர்ஷ்டவசமாக, இலங்கைக்கும் அதன் தனிப்பட்ட கடனாளிகளுக்கும் இடையில் இன்றுவரை கணிசமான ஈடுபாடு எதுவும் நடைபெறவில்லை" என்று குழு தெரிவித்துள்ளது.