இலங்கைக்கு வந்த சீனாவின் முக்கிய மதகுருமார்? பின்னணி என்ன?

சீனாவின் "Fuzshou" மாகாணத்தில் உள்ள Baolin ஆலயத்தின் தலைவர் She Wu Yan உட்பட 140 பௌத்த சாமானியர்கள் மற்றும் குருமார்கள் அடங்கிய குழுவொன்று நேற்று (9) இரவு பண்டாரநாயக்க சர்வதேச விமான நிலையத்தை வந்தடைந்தது.

 இலங்கை ராமன்ய மகா நிகாயாவினால் வழங்கப்பட்ட "கௌரவப் பெயர் விருதை" ஏற்றுக் கொள்வதற்காக அவர்கள் நாட்டை வந்தடைந்தனர். Baolin புத்த கோவில் 1,200 ஆண்டுகள் பழமையான மகாயான ஜென் கோவில் ஆகும்.

 இந்த விருது வழங்கும் விழா எதிர்வரும் ஒக்டோபர் 15ஆம் திகதி கொழும்பு நாரஹேன்பிட்டியில் உள்ள ராமன்ய மஹா நிகாயாவின் தலைமையகத்தில் நடைபெறவுள்ளது. இந்த பௌத்த தூதுக்குழுவில் எட்டு பிக்குகளும் 132 பாமர பிரதிநிதிகளும் கலந்துகொண்டனர்.

 இலங்கை ராமன்ய மகா நிகாயாவைச் சேர்ந்த பிக்குகள் குழு, நாட்டில் வசிக்கும் இலங்கையர்கள் மற்றும் சீன பிரஜைகள் குழு மற்றும் இலங்கை சுற்றுலா ஊக்குவிப்பு பணியகத்தின் அதிகாரிகள் குழு குழுவினரை வரவேற்க கட்டுநாயக்க விமான நிலையத்தின் வருகை முனையத்திற்கு வந்திருந்தனர்