இலங்கை மத்திய வங்கிக்கு பாராட்டுக்களை தெரிவித்த சர்வதேச நாணய நிதியம்!

வட்டி விகிதங்களை உயர்த்தும் இலங்கை மத்திய வங்கியின் நடவடிக்கைக்கு சர்வதேச நாணய நிதியம் பாராட்டு தெரிவித்துள்ளது.

 வட்டி விகித அதிகரிப்பு பணவீக்கத்தை மிக விரைவாகவும் நிரந்தரமாகவும் ஒற்றை இலக்க இலக்குக்குக் குறைக்கும் அர்ப்பணிப்பைக் காட்டுகிறது என்று சர்வதேச நாணய நிதியம் கூறுகிறது.

மத்திய வங்கி நிலையான வைப்பு வசதி வீதம் மற்றும் நிலையான கடன் வசதி வீதத்தை நேற்று உயர்த்தியுள்ளது. அதன்படி, நிரந்தர வைப்புத்தொகை வசதி விகிதம் 15 சதவீதமாகவும்,  வழமையான கடன் வசதி வீதம் 16.5 வீதமாக அதிகரிக்கப்பட்டுள்ளதாக மத்திய வங்கியின் ஆளுநர் கலாநிதி நந்தலால் வீரசிங்க தெரிவித்துள்ளார்.