உக்ரைன் போரை ஆசிய பசுபிக் பிராந்தியங்களுக்கும் பரப்ப முயற்சிப்பதாக ரஷ்யா குற்றச்சாட்டு!

அமெரிக்கா தலைமையிலான மேற்கத்திய நாடுகள் உக்ரைனில் நடந்த போரை ஆசிய-பசிபிக் பிராந்தியத்தில் பரப்ப முயற்சிப்பதாக ரஷ்ய பாதுகாப்பு அமைச்சர் செர்ஜி ஷோய்கு குற்றம் சாட்டியுள்ளார். 

சீனாவின் பெய்ஜிங்கில் நடைபெற்ற பாதுகாப்பு மாநாட்டில் கலந்து கொண்ட அவர், ஆசிய-பசிபிக் பிராந்தியத்தில் நேட்டோ ஏற்கனவே ரகசியமாக தனது ராணுவ பலத்தை வளர்த்து வருகிறது என்றார்.  

ஆசிய-பசிபிக் பிராந்தியத்தில் ஆயுதப் போட்டியை தீவிரப்படுத்தும் நோக்கில் செயற்படும் நேட்டோ நாடுகள் அப்பகுதியில் இராணுவ பிரசன்னத்தையும் இராணுவப் பயிற்சிகளையும் அதிகரித்துள்ளதாக ரஷ்ய பாதுகாப்பு அமைச்சர் குற்றஞ்சாட்டியுள்ளார்.