ஸ்ரீ பாத கல்வியியல் கல்லூரியில் பரவிய காய்ச்சல் குறித்து விசாரணை

ஹட்டன் கொட்டகலை பத்தனை  ஸ்ரீ பாத கல்வியியல் கல்லூரியில் கல்வி கற்கும் 92 ஆசிரியர் பயிலுனர்கள் சளி, இருமல் மற்றும் காய்ச்சல் அறிகுறிகளுடன் கொட்டகலை பிரதேச வைத்தியசாலையில் சிகிச்சை பெற்று வருகின்றனர்.

 இவர்களில் பெரும்பாலானோர் வைத்தியசாலையின் வெளிநோயாளர் பிரிவில் சிகிச்சை பெற்று வெளியேறியதாக நுவரெலியா மாவட்ட வைத்திய அதிகாரி சாவித்திரி சர்மா தெரிவித்தார்.

 மேலும் 10 ஆசிரியர் பயிற்சியாளர்கள் தனது மருத்துவமனையில் சிகிச்சை பெற்று வருவதாகவும் அவர் கூறினார். 

ஸ்ரீ பாத கல்வியியல் கல்லூரியில் பரவியுள்ள வைரஸ் காய்ச்சல் தொடர்பில் விசாரணை நடத்துமாறு கொட்டகலை சுகாதார வைத்திய அதிகாரிக்கு அறிவிக்கப்பட்டதாக மாவட்ட வைத்திய அதிகாரி மேலும் தெரிவித்தார்.

 அதன்படி, கொட்டகலை பிரதேச வைத்தியசாலையின் வெளிநோயாளர் பிரிவில் சிகிச்சை பெற்று வந்த பல ஆசிரியர் பயிலுனர்களின் இரத்த மாதிரிகளை விஞ்ஞான பீடத்தில் வைத்து பரிசோதனை செய்து பரிசோதனைக்கு அனுப்ப கொட்டகலை வைத்திய அதிகாரி நடவடிக்கை எடுத்துள்ளார்.