ஹரிணிக்கு எதிரான நம்பிக்கையில்லா பிரேரணை - தமிழரசு கட்சியின் தீர்மானம்!

கல்வி அமைச்சர் டாக்டர் ஹரிணி அமரசூரியவுக்கு எதிராகக் கொண்டுவரப்படும் நம்பிக்கையில்லாத் தீர்மானத்தை ஆதரிக்கப் போவதில்லை என்று இலங்கை தமிழரசு கட்சி அறிவித்துள்ளது. 

இது தொடர்பில் கருத்து வெளியிட்டுள்ள நாடாளுமன்ற உறுப்பினர் எஸ். ஸ்ரீதரன், கல்வி அமைச்சர் பதவியிலிருந்து ஹரிணி அமரசூரியவை நீக்கக் கோரி எதிர்க்கட்சி நாடாளுமன்ற உறுப்பினர்கள் தற்போது நம்பிக்கையில்லாத் தீர்மானத்தை முன்வைக்கும் பணியில் ஈடுபட்டுள்ளனர்.

மேலும் இந்தப் பிரேரணைக்கான கையொப்பங்களை சேகரிக்கும் பணியில் ஈடுபட்டுள்ளனர். நம்பிக்கையில்லாத் தீர்மானத்தில் தனது கட்சி கையெழுத்திடாது.

கல்வி அமைச்சருக்கு எதிராக சுமத்தப்பட்ட குற்றச்சாட்டுகளுக்கு ஆதாரங்கள் இல்லாததால் கட்சி இந்த முடிவை எட்டியதாக அவர் கூறினார். 

 நாடாளுமன்றக் குழுக் கூட்டத்தில் கட்சித் தலைமையுடன் இந்த விவகாரம் விவாதிக்கப்பட்டதாகவும், எதிர்காலத்தில் நாடாளுமன்றத்தில் நம்பிக்கையில்லாத் தீர்மானம் சமர்ப்பிக்கப்பட்டாலும், கட்சி அதற்கு ஆதரவாகவோ அல்லது பிரதமருக்கு எதிராகவோ வாக்களிக்க முடியாது என்றும் நாடாளுமன்ற உறுப்பினர் மேலும் குறிப்பிட்டார்.

இப்படியான செய்திகளை அறிய தொடர்ந்தும் LANKA4 ஊடகத்துடன் இணைந்திருங்கள்