மகாவலி ஆற்றின் துணை நதியான மனம்பிட்டிய ஆற்றின் நீர்மட்டம் தொடர்ந்து உயர்ந்து வந்தாலும், வெள்ளப்பெருக்கு ஏற்படும் அபாயம் இல்லை என்று நீர்ப்பாசனத் துறை தெரிவித்துள்ளது. 

 மகாவலி படுகையிலுள்ள சில நீர்த்தேக்கங்களின் மதகுகள் தற்போது திறக்கப்பட்டுள்ளதாக நீர்ப்பாசன இயக்குநர் எல்.எஸ். சூரியபண்டார தெரிவித்தார். 

 அனுராதபுரம் மாவட்டத்தில் உள்ள தந்திரிமலை நீர்த்தேக்கத்தின் நீர்மட்டம் ஓரளவு அதிகமாக இருந்தாலும், வெள்ளப்பெருக்கில் குறிப்பிடத்தக்க அதிகரிப்பு இல்லை என்றும் அவர் சுட்டிக்காட்டியுள்ளார். 

 இதற்கிடையில், கடந்த 24 மணி நேரத்தில் நீர்த்தேக்கங்களைச் சுற்றி பதிவான மழைப்பொழிவின் அடிப்படையில், அம்பாறை மாவட்டத்தில் அதிகபட்ச மழைப்பொழிவு பதிவாகியுள்ளது.

நீர்ப்பாசனத் துறையின் கீழ் உள்ள 36 நீர்த்தேக்கங்களின் வான் கதவுகள் திறக்கப்பட்டுள்ளன, ஆனால் இந்த நீர்த்தேக்கங்களில் எதுவும் ஆபத்தான அளவில் தண்ணீரை வெளியேற்றவில்லை என்றும் சூரியபண்டார கூறினார். 

 மேலும், 52 நடுத்தர அளவிலான நீர்த்தேக்கங்களும் தண்ணீரை வெளியேற்றப்பட்டுள்ள நிலையில், மக்களுக்கு எவ்வித பாதிப்பும் இல்லை எனவும் அவர் குறிப்பிட்டுள்ளார். 

லங்கா4 (Lanka4)

(வீடியோ இங்கே )

அனுசரணை