முன்னாள் ஜனாதிபதி ரணில் விக்கிரமசிங்கவின் கைது தொடர்பில் பொலிஸார் வெளியிட்ட மேலதிக தகவல்கள்!
முன்னாள் ஜனாதிபதி ரணில் விக்கிரமசிங்கவின் கைது தொடர்பில்துணை பொலிஸ் மா அதிபர் கலிங்க ஜயசிங்க தெரிவிக்கையில், 2023 செப்டெம்பர் 22 மற்றும் 23ஆம் திகதிகளில் விக்கிரமசிங்க லண்டனுக்கு மேற்கொண்ட இரண்டு நாள் பயணம், அரச நிதியில் மேற்கொள்ளப்பட்ட போதிலும், ஆரம்பத்தில் தனிப்பட்ட விஜயம் எனப் பதிவு செய்யப்பட்டுள்ளதாக விசாரணையாளர்கள் கண்டறிந்துள்ளனர்.
இந்த விஜயத்தில் விக்கிரமசிங்க, அவரது மனைவி பேராசிரியர் மைத்திரி விக்கிரமசிங்க, அவரது தனிப்பட்ட செயலாளர் சண்ட்ரா பெரேரா, வெளிவிவகார அமைச்சின் இரண்டு அதிகாரிகள், விக்கிரமசிங்கவின் தனிப்பட்ட வைத்தியர் மற்றும் ஜனாதிபதி பாதுகாப்பு பிரிவின் நான்கு உறுப்பினர்கள் ஆகியோர் அடங்கிய குழுவினர் கலந்து கொண்டனர்.
ஜனாதிபதி அலுவலகம் மற்றும் வெளிவிவகார அமைச்சு ஆகியவை இந்த விஜயத்திற்கு வசதி செய்து கொடுப்பதற்காக லண்டனில் உள்ள இலங்கை உயர்ஸ்தானிகருடன் கடிதப் பரிமாற்றங்களை மேற்கொண்டதாக பொலிஸார் தெரிவித்தனர்.
கியூபா மற்றும் அமெரிக்காவில் உத்தியோகபூர்வ நிகழ்வுகள் தொடர்பான பதிவுகள் இருந்தாலும், ஐக்கிய இராச்சிய பயண திட்டத்தில் உத்தியோகபூர்வ நிகழ்வுகள் எதுவும் குறிப்பிடப்படவில்லை.
பொலிஸாரின் தகவல்படி, ஐக்கிய இராச்சியத்தில் உள்ள இலங்கை உயர்ஸ்தானிகம் விக்கிரமசிங்க, முதல் பெண்மணி மற்றும் தனிப்பட்ட செயலாளருக்கான பயணம், தங்குமிடம், வாகன வாடகை மற்றும் பிற செலவுகளுக்காக இலங்கை £40,445 (சுமார் ரூ. 16,207,573) பில் செய்துள்ளதாக தெரிவிக்கப்பட்டுள்ளது.
முன்னாள் ஜனாதிபதி உத்தியோகபூர்வ அரச கடமைகளில் இருந்தபோது இந்த பயணம் மேற்கொள்ளப்பட்டதால், விமானக் கட்டணம் இதில் உள்ளடங்கவில்லை என பிரதி பொலிஸ் மா அதிபர் ஜயசிங்க குறிப்பிட்டார்.
ஜனாதிபதி அலுவலகத்தின் பதிவுகளின்படி, வைத்தியர் மற்றும் பாதுகாப்பு அதிகாரிகளுக்காக மேலதிகமாக 3.2 மில்லியன் ரூபா செலவிடப்பட்டுள்ளது.
ஜனாதிபதியின் செயலாளர், பொலிஸ் மா அதிபரிடம் கோரிக்கை விடுத்ததையடுத்து, 2025 மே 23ஆம் திகதி விசாரணை ஆரம்பிக்கப்பட்டது.
(வீடியோ இங்கே அழுத்தவும்)
அனுசரணை
இது தொடர்பா வேற என்னலாம் நடந்திருக்குனு தெரிஞ்சுக்கலாமா?
சினிமா செய்திகள்
வர்த்தக வியாபாரங்கள்
இலங்கை மாவட்ட செய்திகள்
