ரஷ்ய குழந்தை மருத்துவருக்கு 10 ஆண்டுகள் சிறை தண்டனை

68 வயதான மாஸ்கோ குழந்தை நல மருத்துவர் நடேஷ்டா புயனோவா, கிரெம்ளினின் உக்ரைன் தாக்குதலை விமர்சித்ததற்காக நீதிமன்றத்தை எதிர்கொண்டுள்ளார்.

மருத்துவர் ஒரு தசாப்த கால (10வருடம்) சிறைத்தண்டனையை எதிர்கொள்கிறார். உக்ரைனில் கொல்லப்பட்ட ராணுவ வீரரின் முன்னாள் மனைவி அனஸ்தேசியா அகின்ஷினா அளித்த புகாரின் பேரில், ராணுவத்தில் “போலி” தகவல்களை பரப்பியதாக அவர் மீது வழக்கு தொடரப்பட்டுள்ளது.

இரண்டு ஆண்டுகளுக்கும் மேலாக ரஷ்யாவை வாட்டி வதைக்கும் அடக்குமுறையின் அளவை இந்த விசாரணை வெளிப்படுத்தியுள்ளது, இதில் ஆயிரக்கணக்கான ரஷ்யர்கள் இராணுவத் தாக்குதலை வாய்மொழியாகவோ அல்லது சமூக ஊடகங்களில் விமர்சித்ததற்காக நீதிமன்றத்திற்கு வந்துள்ளனர்.

 புயனோவா உக்ரைனின் மேற்கு நகரமான லிவிவில் பிறந்தார் மற்றும் கிட்டத்தட்ட 30 ஆண்டுகளாக ரஷ்யாவில் வசித்து வருகிறார்.