சிறைச்சாலையில் பணிப்புறக்கணிப்பை மேற்கொள்ளும் வைத்தியர்கள் : வெளிச்சத்திற்கு வந்த உண்மை!

இலங்கையில் உள்ள சிறைச்சாலை வைத்தியசாலைகளுக்கு நியமிக்கப்பட்ட மருத்துவர்கள் 2022 ஆம் ஆண்டு சுகாதார அமைச்சினால் கட்டளையிடப்பட்டதை விட கணிசமானளவு குறைவான மணிநேரமே பணிபுரிவது வெளிச்சத்திற்கு வந்துள்ளது. 

ஆடிட்டர் ஜெனரலின் 2022 ஆண்டறிக்கையில் இது தெரியவந்துள்ளது. அறிக்கையின்படி, சிறைச்சாலை மருத்துவமனைகளில் மருத்துவர்கள் வார நாட்களில் குறைந்தது 6 மணிநேரமும் சனிக்கிழமைகளில் 4 மணிநேரமும் பணியாற்ற வேண்டும். 

எவ்வாறாயினும், சிறைச்சாலை மருத்துவமனைகளில் இணைக்கப்பட்டுள்ள 33 மருத்துவர்கள், ஒரு மாதத்திற்கு மொத்தம் 1,296 மணிநேரம் மட்டுமே பணிபுரிந்ததாக சுட்டிக்காட்டப்பட்டுள்ளது. 

இது நிர்ணயிக்கப்பட்ட 4,570 மணிநேர வேலை நேரத்தை விட மிகக் குறைவு. இந்த மோசமான அலட்சியத்தின் பின்னணியில் உள்ள காரணங்களை கண்டறியவும், பணி நேரத்தை மீறுவதற்கு காரணமானவர்களுக்கு எதிராக உரிய நடவடிக்கை எடுக்கவும் சுகாதார அமைச்சகம் நடவடிக்கை எடுக்கும் என்று மூத்த அதிகாரி ஒருவர் தெரிவித்துள்ளார்.