எல்பிட்டிய உள்ளுராட்சி சபையின் வரவு செலவு திட்டம் தோற்கடிக்கப்பட்டுள்ளது!

எல்பிட்டிய உள்ளூராட்சி சபையின் அடுத்த வருடத்திற்கான வரவு செலவு திட்டம் இன்று (05.12) தோற்கடிக்கப்பட்டுள்ளது.  குறித்த வரவு செலவு திட்டமானது  09 வாக்குகளால் தோற்கடிக்கப்பட்டுள்ளது. 

எல்பிட்டிய பிரதேச சபையின் தலைவர் கருணாசேன பொன்னம்பெரும வரவு செலவுத் திட்டத்தை சபையில் சமர்ப்பித்திருந்தார். 

பிரதி ஜனாதிபதி தலைமையிலான ஆளும் பொதுஜன பெரமுனவை பிரதிநிதித்துவப்படுத்தும் ஏழு பாராளுமன்ற உறுப்பினர்களும்  வரவு செலவுத்திட்டத்திற்கு எதிராக வாக்களித்தமை இங்குள்ள மற்றுமொரு விசேட அம்சமாகும். 

மேலும், ஐக்கிய மக்கள் சக்தியின்  7 பாராளுமன்ற உறுப்பினர்களும், ஸ்ரீலங்கா சுதந்திரக் கட்சியை பிரதிநிதித்துவப்படுத்தும் மூன்று பாராளுமன்ற உறுப்பினர்களும், தேசிய ஜன பலவேகவின் இரண்டு பாராளுமன்ற உறுப்பினர்களும் வரவு செலவுத் திட்டத்திற்கு எதிராக வாக்களித்துள்ளனர்.  

பொதுஜன பெரமுனவை பிரதிநிதித்துவப்படுத்தும் ஆளும் கட்சியின் பத்து உறுப்பினர்களே வரவு செலவுத் திட்டத்திற்கு ஆதரவாக வாக்களித்துள்ளனர்.