தைவான் மீது நடத்தப்பட்ட மாபெரும் ஏவுகணை தாக்குதல் தொடர்பான மாதிரி வீடியோக்களை சீன ஊடகம் ஒன்று வெளியிட்டு பரபரப்பை ஏற்படுத்தியுள்ளது.

தைவானை தங்கள் நாட்டின் ஒரு பகுதி என்று கூறும் சீனாவின் போக்கு தொடர்ந்து அதிகரித்து வரும் நிலையில், அமெரிக்காவுடன் நட்புறவை வளர்ப்பதில் தைவான் தீவிரம் காட்டி வருகிறது.

தைவான் அதிபர் சாய் இங்-வென், கலிபோர்னியாவில் அமெரிக்க சபாநாயகர் கெவின் மெக்கார்த்தியை சந்தித்து, அமெரிக்காவின் வலுவான ஆதரவைப் பெறும் நம்பிக்கையில் பேச்சுவார்த்தை நடத்தினார்.

தைவான் ஜலசந்தியைச் சுற்றி மூன்று நாள் ராணுவப் போர்ப் பயிற்சியை சீனா நடத்தி வரும் நிலையில், தைவான் தனது சொந்த ராணுவப் போர்ப் பயிற்சியை நடத்தி சீனாவைத் தூண்டி விட்டது.

இரண்டாம் நாள் பயிற்சியின் போது சீனா டஜன் கணக்கான போர் விமானங்களையும் எட்டு போர்க்கப்பல்களையும் தைவானை நோக்கி அனுப்பியது, பதட்டத்தை அதிகரித்தது. மேலும், தைவான் மீது நடத்தப்பட்ட மிகப்பெரிய ஏவுகணை தாக்குதல் காட்சிகளை சீன ஊடகம் ஒன்று வெளியிட்டு பரபரப்பை ஏற்படுத்தியுள்ளது.