டிட்வா அனர்த்தத்தால் இடம்பெயர்ந்த ஹாலிஎல குடும்பங்கள் 62 பேருக்கு புதிய வீடுகள் நிர்மாணிக்க அடிக்கல் நாட்டப்பட்டது.
அண்மையில் ஏற்பட்ட டிட்வா அனர்த்தத்தினால் முழுமையாக பாதிக்கப்பட்டு வீடுகளை இழந்த ஹாலிஎல பிரதேச செயலகப் பிரிவைச் சேர்ந்த குடும்பங்களுக்காக புதிய வீடுகளை நிர்மாணிக்கும் திட்டத்திற்கு இன்று (08) அடிக்கல் நாட்டப்பட்டது.
திட்டத்தின் முதல் கட்டத்தின் கீழ், முழுமையாக பாதிக்கப்பட்ட 62 குடும்பங்களுக்கு 62 புதிய வீடுகள் நிர்மாணிக்கப்படவுள்ளன.
இதற்கான அடிக்கல் நாட்டும் நிகழ்வு ஹாலிஎல கொத்மல்லந்த பகுதியில் அமைந்துள்ள காணியில் நடைபெற்றது.
பல கட்டங்களாக முன்னெடுக்கப்படவுள்ள இந்த வீட்டுத் திட்டத்தின் முதல் கட்ட நிர்மாணப் பணிகள் இவ்வாறு ஆரம்பிக்கப்பட்டுள்ளன.
இந்த நிகழ்வில் ஹாலிஎல பிரதேச சபைத் தலைவர் பிரியந்த வருஷமான உள்ளிட்ட பிரதேச சபை உறுப்பினர்கள், பதுளை மாவட்ட செயலாளர் சுனில் கலகம, ஹாலிஎல பிரதேச செயலாளர் உள்ளிட்ட அரச அதிகாரிகள் மற்றும் பிரதேச மக்கள் கலந்துகொண்டனர்.
