இந்து அமைப்பு மன்னிப்பு கோரியதைத் தொடர்ந்து மீண்டும் திறக்கப்பட்ட ஈபிள் கோபுரம்

ஒரு இந்து அமைப்பின் பிரதிநிதிகள் குழு வருகை தந்தபோது, ​​பெண் ஊழியர்களின் இருப்பைக் கட்டுப்படுத்தும் வகையில் நிர்வாகம் பிறப்பித்த ஏற்றுக்கொள்ள முடியாத உத்தரவுகளை எதிர்த்து நடத்தப்பட்ட வேலைநிறுத்தத்தால் மூடப்பட்டிருந்த ஈபிள் கோபுரம், மீண்டும் திறக்கப்பட்டது.

'போச்சசன்வாசி ஸ்ரீ அக்ஷர் புருஷோத்தம் சுவாமிநாராயண் சன்ஸ்தா' (BAPS) அமைப்பைச் சேர்ந்த பிரதிநிதிகள் குழு வருகை தந்தபோது, ​​பெண் ஊழியர்கள் அவர்களுடன் "எந்தத் தொடர்பும் வைத்திருக்கக்கூடாது" என்று நிர்வாகம் கூறியதையடுத்து, 330 மீட்டர் (1,083 அடி) உயரமுள்ள இந்தச் புகழ்பெற்ற கோபுரத்தின் ஊழியர்களிடையே அதிருப்தி ஏற்பட்டதாக CGT தொழிற்சங்கத்தைச் சேர்ந்த டயான் டவோயின் குறிப்பிட்டுள்ளார்.

BAPS என்று அழைக்கப்படும் இந்த அமைப்பு, இந்து மதத்தின் ஒரு பிரிவான சுவாமிநாராயண் பிரிவைச் சேர்ந்த உலகளாவிய மத மற்றும் சமூக அமைப்பாகும். 

பிரான்ஸ் தலைநகரில் பாரம்பரிய இந்து பாணியிலான கல் கோயில் ஒன்றின் திறப்பு விழாவைக் கொண்டாடும் நிகழ்வுகளை இவ்வமைப்பு நடத்தி வருகிறது.

சுமார் 100 பேர் கொண்ட பிரதிநிதிகள் குழுவின் வருகைக்கு முன்னதாக, ஊழியர்கள் மற்றும் பார்வையாளர்களுக்கு ஏற்படும் இடையூறுகளைக் குறைக்கும் வகையில் ஈபிள் கோபுர நிர்வாகத்துடன் இணைந்து செயல்பட்டதாக இவ்வமைப்பு அனுப்பிய எழுத்துப்பூர்வ அறிக்கையில் தெரிவித்துள்ளது.

இந்த ஒருங்கிணைப்பு நடவடிக்கையானது "எந்தவொரு நிலையிலும் பாலினத்தின் அடிப்படையில் விடுக்கப்பட்ட கோரிக்கையாக இருக்கவில்லை; மாறாகக் கூறப்படும் எந்தவொரு கருத்தும் எங்கள் அமைப்பின் அல்லது அந்தப் பிரதிநிதிகள் குழுவின் நோக்கத்தையோ அல்லது விழுமியங்களையோ பிரதிபலிக்கவில்லை" என்று அந்த அறிக்கையில் குறிப்பிடப்பட்டுள்ளது.

இச்செய்திக்கு பிரதான அனுசரணை

வீடியோ இங்கே