இரண்டு பிரெஞ்சு தூதரக ஊழியர்களுக்கு தடை விதித்த ஈரான்

கடந்த மாதம் ஒரு தூதரகப் பிரச்சனையில் ஈடுபட்ட இரண்டு பிரெஞ்சு தூதரக ஊழியர்கள் ஈரானுக்குத் திரும்ப அனுமதிக்கப்பட மாட்டார்கள் என்று ஈரான் வெளியுறவு அமைச்சகத்தின் செய்தித் தொடர்பாளர் தெரிவித்தார்.

ஈரானின் அரை-அரசு செய்தி நிறுவனமான தஸ்னிமின் தகவல்படி, வெளிநாட்டுத் தூதரகங்களின் விதிகள் மற்றும் சலுகைகளை வகுக்கும் 1961 வியன்னா உடன்படிக்கையை அந்த இருவரும் மீறியதாக இஸ்மாயில் பாகாயி செய்தியாளர்களிடம் குறிப்பிட்டுள்ளார்.

அந்த இரு நபர்களும் "குடிமைச் சமூகத்திற்கு ஆதரவளிப்பது தொடர்பான நடவடிக்கைகளில் ஈடுபட்டிருந்தனர்" என்று பிரான்ஸ் ஒப்புக்கொண்டதே, "வியன்னா உடன்படிக்கை மீறப்பட்டது" என்பதற்கான ஒப்புதல் வாக்குமூலம் என்று பாகாயி தெரிவித்துள்ளார்.