பிரான்சில் மின்சார ஸ்கூட்டர் பயணிகளுக்கான முக்கிய அறிவிப்பு

பிரான்ஸ் தலைநகரான பாரிசில் மின்சார ஸ்கூட்டர், செக்வே, ஹோவர்போர்டு போன்ற மின்சார இயக்கக் கருவிகளை பயன்படுத்தும் அனைவரும் ஹெல்மெட் மற்றும் பிரதிபலிப்பு உடை அணிய வேண்டும்.

விதிகளை மீறுவோருக்கு அபராதம் விதிக்கப்படும் என பொலிஸார் தெரிவித்துள்ளனர்.

கடந்த சில ஆண்டுகளில் அதிகரித்த விபத்துகள் மற்றும் உயிரிழப்புகளுக்குப் பிறகு இந்த நடவடிக்கை எடுக்கப்பட்டுள்ளது.

2025ம் ஆண்டில் மட்டும், 79 பேர் உயிரிழந்துள்ளனர். இது 2024ல் ஏற்பட்ட 45 உயிரிழப்புகளை விட அதிகம். மேலும், 1,100க்கும் மேற்பட்ட பயணிகள் கடுமையான காயங்களுக்கு உள்ளாகியுள்ளனர்.

ஹெல்மெட் அணியாமல் சென்றால் 135 யூரோ அபராதம் விதிக்கப்படும். பிரதிபலிப்பு உடை அல்லது ஹை-விசிபிலிட்டி ஜாக்கெட் அணியாமல் சென்றால் 35 யூரோ அபராதம் விதிக்கப்படும்.