20 நாட்களில் இலங்கையில் டெங்கு நோயாளர்களின் எண்ணிக்கை 6,000ஐ தாண்டியுள்ளது

கடந்த மே மாதம் 20 நாட்களில் நாட்டில் 6,037 டெங்கு நோயாளர்கள் இனங்காணப்பட்டுள்ளதாக தேசிய டெங்கு கட்டுப்பாட்டு பிரிவு தெரிவித்துள்ளது.

 இதன்படி, நாட்டில் இவ்வருடம் மொத்தமாக டெங்கு நோயாளர்கள் 35,745 பேர் அடையாளம் காணப்பட்டுள்ளதாக அந்த பிரிவு தெரிவித்துள்ளது.

 இதில் கடந்த ஏப்ரல் மாதம் 7,617 நோயாளிகள் அடையாளம் காணப்பட்டனர். மார்ச் மாதத்தில் 6,419 பேரும் பெப்ரவரியில் 6,709 பேரும் அடையாளம் காணப்பட்டதாக தேசிய டெங்கு கட்டுப்பாட்டுப் பிரிவு தெரிவித்துள்ளது.

 இவ்வருடத்தில் ஜனவரி மாதத்தில் அதிகளவான டெங்கு நோயாளர்கள் இனங்காணப்பட்டுள்ளனர். 

இந்த வழியில் கண்டறியப்பட்ட நோயாளிகளின் எண்ணிக்கை 8,963 ஆகும்.

 எவ்வாறாயினும், 2022 இல் பதிவான மொத்த டெங்கு நோயாளர்களின் எண்ணிக்கை 76,689 ஆகும். நாட்டிலேயே அதிகூடிய டெங்கு நோயாளர்கள் கம்பஹா மாவட்டத்தில் இருந்து மேலும் பதிவாகியுள்ளனர்.

 அதன்படி இவ்வருடம் கம்பஹா மாவட்டத்தில் டெங்கு நோயாளர்களின் எண்ணிக்கை 8,035 ஆக காணப்படுகின்றது.

 நாடளாவிய ரீதியில் டெங்கு ஒழிப்பு வேலைத்திட்டங்கள் அமுல்படுத்தப்பட்ட போதிலும் டெங்கு பரவும் அபாயம் நீங்கவில்லை என சுகாதார பூச்சியியல் அதிகாரிகள் சங்கத்தின் தேசிய அமைப்பாளர் திஸ்னக திஸாநாயக்க தெரிவித்துள்ளார்.

 டெங்கு நோய் பரவுவதை கட்டுப்படுத்துவதற்கு பொறுப்பான சில தரப்பினரிடம் இருந்து பெறும் பங்களிப்பு போதுமானதாக இல்லை என சுகாதார பூச்சியியல் அதிகாரிகள் சங்கத்தின் தேசிய அமைப்பாளர் திஸ்னக திஸாநாயக்க மேலும் தெரிவித்தார்.