18 ஆண்டுகளுக்குப் பிறகு 3 குற்றவாளிகள் விடுதலை

கொழும்பு, அளுத்கடை பிரதேசத்தில் குடியிருப்பு வசதிகளை வழங்கும் விடுதி ஒன்றில் பணிபுரிந்த ஊழியர் ஒருவரை கத்தியால் குத்தி கொலை செய்த வழக்கில் குற்றம் சாட்டப்பட்ட மூவரையும், சம்பவம் நடந்து 18 வருடங்களின் பின்னர் விடுதலை செய்து கொழும்பு மேல் நீதிமன்ற நீதிபதி நவரத்ன மாரசிங்க உத்தரவிட்டுள்ளார்.

முறைப்பாட்டின்  முக்கிய சாட்சியாக ஆஜர்படுத்தப்பட்ட சாட்சி அளித்த சாட்சியத்தில் பலத்த முரண்பாடுகள் இருந்ததால்   அவரது சாட்சியத்தை முற்றிலுமாக நிராகரித்த நீதிபதி, மற்ற சாட்சிகளின் சாட்சியங்களின்படி, பிரதிவாதிகள் குற்றத்தை இழைத்ததாக அரசாங்கத் தரப்பு சந்தேகத்திற்கு இடமின்றி நிரூபிக்கவில்லை என நீதிபதி தெரிவித்தார்.

ஹெரோயின் பாவனைக்கு அடிமையானவர் எனவும், ஹெரோயின் போதைப்பொருள் தொடர்பான நான்கு வழக்குகளில் சிறைத்தண்டனை அனுபவித்து வருபவர் எனவும் தாமாக முன்வந்து சாட்சியமளிக்க ஆரம்பித்த லால் குமார் என்ற லால் குமார் என்ற அரச தரப்பு முதல் சாட்சி தெரிவித்துள்ளார்.

அனைத்து ஆதாரங்களையும் ஆராய்ந்த நீதிபதி நவரத்ன மாரசிங்க, பிரதிவாதிகளான மொஹமட் பாரூக் இனாமுல் ஹசன், அப்துல் ஹம்சி மொஹமட் இம்ரான் மற்றும் மொஹமட் ரஃபைதீன் மொஹமட் இர்பான் ஆகியோரை விடுதலை செய்தார்.