ரஷ்யாவில் நடந்த குண்டுவெடிப்புகளில் ராணுவ அதிகாரி ஒருவர் பலி - முன்னாள் பிரதமர் ஆலோசகர் காயம்

செயின்ட் பீட்டர்ஸ்பர்க்கில் நடந்த தாக்குதலில் ஒரு ராணுவ அதிகாரி கொல்லப்பட்ட ஒரு நாள் கழித்து, மாஸ்கோவில் நடந்த கார் குண்டுவெடிப்பில் உக்ரைனின் முன்னாள் பிரதமரின் ஆலோசகர் படுகாயமடைந்துள்ளார்.

உக்ரைனில் நடக்கும் சண்டையில் ஈடுபட்டுள்ளவர்களைக் குறிவைத்து நடத்தப்படும் தொடர் குண்டுவெடிப்புகள் மற்றும் துப்பாக்கிச் சூடுகளின் சமீபத்திய நிகழ்வு இதுவாகும்.

முன்னர் உக்ரைனின் முன்னாள் பிரதமர் மைக்கோலா அசாரோவின் ஆலோசகராகப் பணியாற்றிய செர்ஜி சவோரோட்னி ஓட்டிச் சென்ற காரை மாஸ்கோ குண்டுவெடிப்பு தாக்கியதாக ரஷ்யாவின் புலனாய்வுக் குழு தெரிவித்துள்ளது.

காயங்களுடன் சவோரோட்னி மருத்துவமனையில் அனுமதிக்கப்பட்டுள்ளதாக அக்குழு மேலும் தெரிவித்துள்ளது.

உக்ரைனின் மாஸ்கோ ஆதரவு ஜனாதிபதி விக்டர் யானுகோவிச்சின் கீழ் அசாரோவ் பிரதமராகப் பணியாற்றினார். 

யானுகோவிச் போராட்டக்காரர்களால் பதவியிலிருந்து வலுக்கட்டாயமாக நீக்கப்பட்டு, பிப்ரவரி 2014ல் ரஷ்யாவிற்குத் தப்பிச் சென்றார்.

ரஷ்யாவில் வசிக்கும் அசாரோவ், தனது முன்னாள் ஆலோசகரை படுகாயப்படுத்திய இந்தத் தாக்குதலால் தான் "அதிர்ச்சியடைந்ததாக" அரசு தொலைக்காட்சிக்குத் தெரிவித்துள்ளார்.