இஸ்ரேலிய குடியேற்றவாசி தலைவருக்கு பிரான்சில் நுழைய அனுமதி மறுப்பு
ஆக்கிரமிக்கப்பட்ட மேற்குக் கரையில் உள்ள சட்டவிரோத இஸ்ரேலிய குடியேற்றங்களைப் பிரதிநிதித்துவப்படுத்தும் அமைப்பின் தலைவருக்கு பிரான்சுக்குள் நுழைய அனுமதி மறுக்கப்பட்டுள்ளது.
பிரான்சுக்குச் சென்ற இஸ்ரேலிய குடியேற்றவாசி யோசி டகன், கடந்த வாரம் பாரிஸ் விமான நிலையத்திற்கு வந்தடைந்தபோது பிரெஞ்சு அதிகாரிகள் அவரைத் திருப்பி அனுப்பியதாகத் தெரிவித்தார்.
பிரதமர் பெஞ்சமின் நெதன்யாகுவின் லிகுட் கட்சியைச் சேர்ந்த டகன், “மேற்குக் கரையில் குடியேற்றக் கொள்கையைச் செயல்படுத்துவதில் தீவிரமாக ஈடுபட்டுள்ளதால், பிரெஞ்சு எல்லைக்குள் நுழைய அவருக்கு நிர்வாக ரீதியான தடை விதிக்கப்பட்டுள்ளது” என்று அவரது அலுவலகம் தெரிவித்துள்ளது.
அமைச்சகத்தின் தகவல்படி, விமான நிலையத்தின் கடவுச்சீட்டு சரிபார்ப்பு இடத்தில் டகன் தனியே அழைத்துச் செல்லப்பட்டு விசாரிக்கப்பட்டார்.
அதன் பிறகு, “மேற்குக் கரையில் குடியேற்றக் கொள்கையைச் செயல்படுத்துவதில் அவர் தீவிரமாக ஈடுபட்டுள்ளதால்” பிரெஞ்சு எல்லைக்குள் நுழைய அவருக்குத் தடை விதிக்கப்பட்டுள்ளதாகத் தெரிவிக்கப்பட்டது.
