பலாங்கொட கஸ்ஸப தேரருக்கு எதிராக பொலிஸில் முறைப்பாடு!
வணக்கத்திற்குரிய பலாங்கொட கஸ்ஸப தேரருக்கு எதிராக ஜனதா விமுக்தி பெரமுனவினால் (JVP) பொலிஸில் முறைப்பாடு செய்யப்பட்டுள்ளது.
விஹாரமகாதேவி பூங்காவிற்கு அருகில் போராட்டத்தில் ஈடுபட்ட பௌத்த பிக்குகளால் இரண்டு கத்திகளுடன் பிடிபட்டதாகக் கூறப்படும் நபருக்கும் JVPக்கும் இடையில் தொடர்பிருப்பதாக கஸ்ஸப தேரர் கூறிய கருத்து தொடர்பில் விசாரணை நடத்துமாறு கோரியே இந்த முறைப்பாடு தாக்கல் செய்யப்பட்டுள்ளது,
குறித்த சந்தேக நபருக்கும், பெலவத்தையில் உள்ள தமது அலுவலகத்திற்கும் எந்தவிதத் தொடர்பும் இல்லை என்று ஜனதா விமுக்தி பெரமுன திட்டவட்டமாக மறுத்துள்ளது.
CIB II 289/237 என்ற குறிப்பு எண்ணின் கீழ் பதிவு செய்யப்பட்டுள்ள இந்த முறைப்பாட்டில், அந்தத் தேரரின் கருத்து பொய்யானது என்றும், அது பொது அமைதியின்மைக்கு வழிவகுக்கக்கூடும் என்றும் அக்கட்சி குற்றம் சாட்டியுள்ளது.
மேலும், ஜனாதிபதி அனுர குமார திஸாநாயக்க அடிக்கடி வருகை தரும் இடமாகத் தமது தலைமையகம் இருப்பதால், அங்கு பாதுகாப்பு அச்சுறுத்தல்கள் ஏற்படக்கூடும் என்ற கவலையையும் அக்கட்சி வெளிப்படுத்தியுள்ளது.
