மொரட்டுவை துப்பாக்கிச் சூடு: ஹோட்டல் உரிமையாளர் சிகிச்சை பலனின்றி உயிரிழப்பு

மொரட்டுவ, சோய்சாபுர பகுதியில் இடம்பெற்ற துப்பாக்கிச் சூட்டுச் சம்பவத்தில் காயமடைந்த உணவக உரிமையாளர் ஒருவர், சிகிச்சை பலனின்றி உயிரிழந்துள்ளதாக பொலிஸார் தெரிவித்தனர்.

இரவு சுமார் 8:20 மணியளவில், கார் ஒன்றில் வந்த இருவர் இந்தத் துப்பாக்கிச் சூட்டை நடத்தியுள்ளனர்.

இந்தத் தாக்குதல் குறிப்பாக அந்த உணவக உரிமையாளரை இலக்கு வைத்தே நடத்தப்பட்டதாக பொலிஸார் தெரிவிக்கின்றனர்.

சந்தேக நபர்கள் தாங்கள் வந்த வாகனத்தை வேறொரு இடத்தில் கைவிட்டுவிட்டு, அங்கிருந்து தப்பிச் சென்றுள்ளனர்.

காயமடைந்த உணவக உரிமையாளர் சிகிச்சைக்காக கலூபோவிலவில் உள்ள கொழும்பு தெற்கு போதனா வைத்தியசாலைக்குக் கொண்டு செல்லப்பட்ட போதிலும், அங்கு அவர் உயிரிழந்துள்ளார்.

இந்தச் சம்பவம் குறித்து பொலிஸார் மேலதிக விசாரணைகளை மேற்கொண்டு வருகின்றனர்.