அறுவை சிகிச்சைக்குப் பிறகு போப் லியோவின் உடல்நிலையில் முன்னேற்றம்

போப் லியோவின் அறுவை சிகிச்சைக்கு பிறகு அவரது உடல்நிலை தொடர்ந்து சீரான முன்னேற்றத்தைக் காட்டுவதாக தெரிவிக்கப்பட்டுள்ளது.

அவரது ஒட்டுமொத்த உடல்நிலையில் ஏற்பட்டுள்ள முன்னேற்றத்தை இரத்தப் பரிசோதனைகள் மற்றும் மார்பு எக்ஸ்-ரே உறுதிப்படுத்தியதாக, புனித ஆசனத்தின் அதிகாரப்பூர்வ செய்தி நிறுவனமான வத்திக்கான் நியூஸ் தெரிவித்துள்ளது.

ரோமில் உள்ள ஜெமெல்லி மருத்துவமனையில் போப் அனுமதிக்கப்பட்டிருந்த நான்காவது நாளில் இந்தப் பரிசோதனைகள் மேற்கொள்ளப்பட்டதாக அவரது மருத்துவர்கள் வெளியிட்ட அறிக்கையில் தெரிவிக்கப்பட்டுள்ளது.

இந்நிலையில், சுவாசப் பயிற்சிக்கான உடற்பயிற்சி அமர்வுகள் தொடர்ந்து நடைபெற்று வருவதாக மருத்துவர்கள் குறிப்பிட்டுள்ளனர்.

போப்பால் தனது இயல்பான அன்றாட நடவடிக்கைகளை முற்றிலும் சுயமாக மேற்கொள்ள முடிவதாகவும் அவர்கள் மேலும் தெரிவித்தனர்.

மருத்துவர்கள் புற்றுநோய்க் கட்டியைக் கண்டறிந்ததைத் தொடர்ந்து, 70 வயதான போப்பின் வலது நுரையீரலின் கீழ் மடலை அகற்றுவதற்காக அவருக்கு அறுவை சிகிச்சை செய்யப்பட்டது குறிப்பிடத்தக்கது.