ரஷ்ய டீசல் இறக்குமதி தொடர்பான ட்ரமப்ின் அறிவிப்பு - உக்ரைன் கண்டனம்

ரஷ்ய டீசலை அமெரிக்காவிற்கு இறக்குமதி செய்வதற்கான ஒப்பந்தம் குறித்த டொனால்ட் ட்ரம்பின் அறிவிப்பை உக்ரைன் அதிபர் வோலோடிமிர் ஜெலென்ஸ்கி கண்டித்துள்ளார்.

இதை ரஷ்ய அதிபர் விளாடிமிர் புடினுக்கு அளிக்கப்பட்ட ஒரு பரிசாக வர்ணித்த ஜெலென்ஸ்கி, இது "நீட்டிக்கப்படக் கூடாத, மாறாக முடிவுக்குக் கொண்டுவரப்பட வேண்டிய ஒரு போரில் செய்யப்படும் முதலீட்டிற்கு" சமமானது என்றும் குறிப்பிட்டுள்ளார்.

"அமெரிக்க மற்றும் உலகளாவிய சந்தைகளுக்கு" உடனடியாக 3,00,000 டன் டீசலையும், அதைத் தொடர்ந்து நவம்பரில் 5,00,000 டன் மற்றும் அதன்பிறகு மேலும் ஒரு மில்லியன் டன் டீசலையும் வழங்க புடின் ஒப்புக்கொண்டதாக அமெரிக்க ஜனாதிபதி டொனால்ட் ட்ரம்ப் அறிவித்துள்ளார். 

இதற்காக அமெரிக்கா ரஷ்ய எண்ணெய்கள் மீது விதிக்கப்பட்டிருந்த தடைகளை தளர்த்தியுள்ளமை குறிப்பிடத்தக்கது.