போலந்தில் ஆசிரியர்கள் மற்றும் மாணவர்கள் மீது தாக்குதல் - 19 வயது இளைஞர் கைது

போலந்தில் உள்ள ஒரு உயர்நிலைப் பள்ளியில் நடத்தப்பட்ட கத்தி தாக்குதலில் ஏழு பேர் காயமடைந்ததைத் தொடர்ந்து, 19 வயது இளைஞர் ஒருவரை கைது செய்துள்ளதாகப் போலீசார் தெரிவித்தனர்.

தலைநகர் வார்சாவிற்கு வடக்கே 20 கிலோமீட்டர் (12 மைல்) தொலைவில் உள்ள ஆஸ்ட்ரோலெகா (Ostroleka) நகரில் உள்ள பள்ளியில் இத்தாக்குதல் நடந்ததாகக் கூறிய போலீசார், சந்தேக நபர் கைது செய்யப்பட்ட பிறகு அவரது மங்கலான புகைப்படம் ஒன்றையும் வெளியிட்டனர்.

இந்நிலையில், தாக்குதலில் பாதிக்கப்பட்டவர்கள் மாணவர்களும் ஆசிரியர்களும் என்று ஆஸ்ட்ரோலெகா நகர அரசு வழக்கறிஞர் எல்ஸ்பியேட்டா லுக்காசிவிச் தெரிவித்தார்.

காயமடைந்தவர்களில் மூன்று பெரியவர்களும் ஐந்து பதின்ம வயதினரும் அடங்குவர் என்று தீயணைப்புத் துறை குறிப்பிட்டுள்ளது.