ஐக்கிய அரபு அமீரகத்திற்கு 1 பில்லியன் டாலர் மதிப்பிலான ஆயுத விற்பனைக்கு அமெரிக்கா ஒப்புதல்
ஈரான் ஆளில்லா விமான அச்சுறுத்தலை வளைகுடா நாடுகள் எதிர்கொள்ளும் நிலையில், ஐக்கிய அரபு அமீரகத்திற்கு 1 பில்லியன் டாலர் மதிப்பிலான ஆயுத விற்பனைக்கு அமெரிக்கா ஒப்புதல் அளித்துள்ளது.
ராக்கெட்டுகளுக்கான 10,000 வரையிலான மேம்பட்ட துல்லியமாக அழிக்கும் ஆயுத அமைப்பின் (Advanced Precision Kill Weapon System) வழிகாட்டுப் பகுதிகளை, ஐக்கிய அரபு அமீரகத்திற்கு 1 பில்லியன் டாலருக்கு விற்பனை செய்வதற்கு ஒப்புதல் அளித்துள்ளதாக அமெரிக்கா அறிவித்துள்ளது.
"இந்த முன்மொழியப்பட்ட விற்பனையானது, வலுவான மற்றும் தயார் நிலையில் உள்ள தற்காப்புத் திறனை உருவாக்கிப் பராமரிப்பதன் மூலமும், அமெரிக்கப் படைகளுடனான ஒருங்கிணைப்பை மேம்படுத்துவதன் மூலமும், தற்போதைய மற்றும் எதிர்கால அச்சுறுத்தல்களை எதிர்கொள்ளும் ஐக்கிய அரபு அமீரகத்தின் திறனை மேம்படுத்தும்" என்று அமெரிக்க வெளியுறவுத் துறை ஒரு அறிக்கையில் தெரிவித்துள்ளது.
"ஒரு முக்கிய பாதுகாப்புப் பங்காளியின் பாதுகாப்பை மேம்படுத்துவதன் மூலம், இது அமெரிக்காவின் வெளியுறவுக் கொள்கை மற்றும் தேசியப் பாதுகாப்பு நோக்கங்களுக்கு ஆதரவளிக்கும்" என்றும் அந்த அறிக்கையில் தெரிவிக்கப்பட்டுள்ளது.
