இந்திய விமானி ஸ்மித் மச்சரை சந்தித்த துபாய் பட்டத்து இளவரசர் ஷேக் ஹம்தான்
விமானத்தில் சக விமானியால் தாக்கப்பட்டதைத் தொடர்ந்து மருத்துவமனையில் சிகிச்சை பெற்று வரும் இந்திய விமானி ஸ்மித் மச்சரை (Smit Machchhar), துபாய் பட்டத்து இளவரசர் ஷேக் ஹம்தான் பின் முகமது பின் ரஷித் அல் மக்தூம் நேரில் சந்தித்து நலம் விசாரித்தார்.
170க்கும் மேற்பட்ட பயணிகள் மற்றும் பணியாளர்களின் உயிரைக் காக்க அந்தச் சம்பவத்தின்போது கேப்டன் மச்சர் மேற்கொண்ட நடவடிக்கைகளை இளவரசர் பாராட்டியுள்ளார்.
இந்தச் சந்திப்பிற்குப் பிறகு, ஷேக் ஹம்தான் 'எக்ஸ்' தளத்தில் வெளியிட்ட பதிவில் அந்த விமானிக்குத் தனது பாராட்டுக்களைத் தெரிவித்தார்.
அதில், "எங்கள் சார்பாகவும், நாட்டின் தலைமைத்துவத்தின் சார்பாகவும் அவருக்கு முழுமையான பாராட்டுக்களும் அங்கீகாரமும் உரித்தாகின்றன" என்று குறிப்பிட்டிருந்தார்.
மேலும் அவர் மச்சரை, "எங்கள் குழுவின் ஒரு பகுதியாக எங்கள் நாட்டின் வரலாற்றின் ஒரு பகுதியாக மற்றும் கருணை, அமைதி மற்றும் உயிரை மதிக்கும் நாடாகத் திகழும் ஐக்கிய அரபு அமீரகத்தின் விழுமியங்களைப் பிரதிபலிக்கும் ஒரு பகுதியாக" வர்ணித்தார்.
