ட்ரோன் தாக்குதலுக்குப் பிறகு முக்கியமான எண்ணெய் குழாய் பாதையை மூடிய சவுதி அரேபியா

அரேபிய தீபகற்பம் முழுவதும் பரவியுள்ள 1,200 கி.மீ (746 மைல்) நீளமுள்ள தனது முக்கியமான 'கிழக்கு-மேற்கு' எண்ணெய் குழாய் வழித்தடத்தை, ட்ரோன் தாக்குதலுக்குள்ளானதைத் தொடர்ந்து சவூதி அரேபியா தற்காலிகமாக மூடியுள்ளது.

ஈராக்கிலிருந்து இந்த ட்ரோன்கள் ஏவப்பட்டதாகத் தகவல்கள் தெரிவிக்கின்றன; இது குறித்து அங்கு விசாரணை நடைபெற்று வருகிறது. இதுவரை எந்த அமைப்பும் இந்தத் தாக்குதல்களுக்குப் பொறுப்பேற்கவில்லை.

குழாய் வழித்தடத்தை இயக்குவதற்குப் பயன்படுத்தப்பட்ட உபகரணங்களும் இத்தாக்குதலில் சேதமடைந்ததாகத் தெரியவருகிறது.

இந்தக் குழாய் வழித்தடம் மூடப்பட்டதால் சவூதியின் எண்ணெய் ஏற்றுமதி பாதிக்கப்பட்டுள்ளது; ஏற்கனவே மார்ச் மாதம் முதல் ஹார்முஸ் நீரிணை (Strait of Hormuz) மூடப்பட்டதாலும் இந்த ஏற்றுமதி பாதிக்கப்பட்டுள்ளது என்பது குறிப்பிடத்தக்கது. 

சவூதி அரேபியாவின் எரிசக்தி ஏற்றுமதிக்கு இது ஒரு மிக முக்கியமான வழித்தடமாகத் திகழ்கிறது; ஈரான் மீதான அமெரிக்கா-இஸ்ரேல் மோதல் சூழலில் இதன் முக்கியத்துவம் மேலும் அதிகரித்துள்ளது.

ஏமன் நாட்டில் மத்திய கிழக்கு மோதலின் ஒரு புதிய களத்தில் சவூதி அரேபியா ஈடுபட்டுள்ள சூழலில் இந்தக் குழாய் வழித்தடம் மூடப்பட்டுள்ளது.

இச்செய்திக்கு பிரதான அனுசரணை

வீடியோ இங்கே