வடக்கு சிரியாவில் சிறையில் ஏற்பட்ட தீ விபத்தில் ஏழு பேர் மரணம்

வடக்கு சிரியாவில், குர்துகள் பெரும்பான்மையாக வசிக்கும் ஒரு நகரத்தில் உள்ள சிறையில் ஏற்பட்ட தீ விபத்தில் ஏழு கைதிகள் உயிரிழந்துள்ளனர் மற்றும் பலர் காயமடைந்துள்ளனர்.

கோபானே நகரில் வெடித்த பதற்றங்கள் காரணமாக, அங்குள்ள சிறையில் கைதிகள் கலவரத்தில் ஈடுபட்டபோது தீ விபத்து ஏற்பட்டதாக சிரியாவின் அரசு செய்தி நிறுவனம் செய்தி வெளியிட்டது. 

இருப்பினும், தீ விபத்துக்கான காரணம் இன்னும் அதிகாரப்பூர்வமாக உறுதிப்படுத்தப்படவில்லை.

"கலவரத்தைத் தொடர்ந்து டஜன் கணக்கானோர் காயமடைந்தனர், தீக்காயங்களுக்கு உள்ளானார்கள் அல்லது மூச்சுத்திணறி இறந்தனர்," என்று அரசு தொலைக்காட்சி செய்தி வெளியிட்டது.

இங்கிலாந்தை தளமாகக் கொண்ட சிரிய மனித உரிமைகள் கண்காணிப்பகத்தின்படி, சில கைதிகளை அலெப்போவில் உள்ள மற்றொரு சிறைக்கு மாற்ற அதிகாரிகள் முடிவு செய்த பின்னர், இரவோடு இரவாக இந்தக் கலவரம் தொடங்கியது.

இச்செய்திக்கு பிரதான அனுசரணை

வீடியோ இங்கே