இலங்கை சாரணர் இயக்க பிரதிநிதிகளுடன் ஜனாதிபதி முக்கிய கலந்துரையாடல்!
இலங்கை சாரணர் இயக்கத்தின் பிரதிநிதிகளை ஜனாதிபதி இன்று (10) பிற்பகல் ஜனாதிபதி அலுவலகத்தில் சந்தித்து, 2027ஆம் ஆண்டு ஜனவரி மாதம் நடைபெறவுள்ள 11ஆவது தேசிய சாரணர் ஜம்போரி தொடர்பில் முக்கிய கலந்துரையாடலை மேற்கொண்டார்.
இதன்போது, தேசிய சாரணர் ஜம்போரிக்கான ஏற்பாட்டுப் பணிகளின் முன்னேற்றம் தொடர்பிலும் விரிவாக ஆராயப்பட்டது. அத்துடன், ஜம்போரியின் உத்தியோகபூர்வ சின்னமும் வெளியிடப்பட்டது.
மேலும், இலங்கை சாரணர் இயக்கத்தினால் தற்போது முன்னெடுக்கப்பட்டு வரும் திட்டங்கள் மற்றும் எதிர்காலத்தில் நடைமுறைப்படுத்தப்படவுள்ள திட்டங்கள் குறித்தும் ஜனாதிபதி கவனம் செலுத்தினார்.
சாரணர் இயக்கத்தின் செயற்பாடுகளை மேலும் அதிகமான பாடசாலைகளுக்கு விரிவுபடுத்த வேண்டியதன் அவசியம் குறித்தும் இதன்போது வலியுறுத்தப்பட்டது.
அதேவேளை, அரசாங்கம் முன்னெடுத்து வரும் போதைப்பொருள் ஒழிப்பு நடவடிக்கைகளில் சாரணர் இயக்கமும் தனது பங்களிப்பை வழங்க வேண்டியதன் முக்கியத்துவம் குறித்தும் ஜனாதிபதி எடுத்துரைத்தார்.
இதனால், எதிர்வரும் தேசிய சாரணர் ஜம்போரி மாத்திரமன்றி, இளைஞர்களின் சமூகப் பொறுப்பு மற்றும் போதைப்பொருள் தடுப்பு நடவடிக்கைகளிலும் சாரணர் இயக்கத்தின் பங்களிப்பை வலுப்படுத்தும் நோக்கம் இந்த சந்திப்பில் வெளிப்படுத்தப்பட்டுள்ளது.
இச்செய்திக்கு பிரதான அனுசரணை
வீடியோ இங்கே
