அமெரிக்காவில் இரண்டு கேரளப் பெண்கள் கொலை - நண்பர் கைது

அமெரிக்காவில் தங்கள் குடும்பங்களுடன் வசித்து வந்த கேரளாவைச் சேர்ந்த இரண்டு பெண்கள், ஆகஸ்ட் 28 அன்று கலிபோர்னியாவில் நடந்த தனித்தனி சம்பவங்களில் கொல்லப்பட்டனர். 

இந்த மரணங்கள் தொடர்பாக அவர்களது பொதுவான நண்பர் ஒருவர் கைது செய்யப்பட்டுள்ளதாக காவல்துறை மற்றும் உறவினர்கள் தெரிவித்துள்ளனர்.

பாதிக்கப்பட்டவர்கள், திருச்சூரைச் சேர்ந்த 35 வயதான அஞ்சனா ஹரி மற்றும் திருவனந்தபுரத்தைச் சேர்ந்த 40 வயதான ஆன் மேரி மேத்யூ என அடையாளம் காணப்பட்டுள்ளனர். 

கோட்டயத்தைப் பூர்வீகமாகக் கொண்ட அவர்களது பொதுவான தோழியான 32 வயதான அனிலா, இந்த மரணங்கள் தொடர்பாக கைது செய்யப்பட்டுள்ளார்.

இந்நிலையில், கொலைகளுக்கான நோக்கம் இன்னும் கண்டறியப்படவில்லை என்றும் மேலதிக விசாரணைகள் நடைபெற்று வருவதாகவும் தெரிவிக்கப்பட்டுள்ளது.

உள்ளூர் ஊடகங்களின்படி, அந்த மூன்று பெண்களும் முந்தைய நாள் ஓணம் கொண்டாட்டத்தில் கலந்துகொண்டு, பின்னர் திரைப்படம் பார்க்க திரையரங்கிற்குச் சென்றதாக உறவினர்கள் தெரிவித்தனர்.

இச்செய்திக்கு பிரதான அனுசரணை

வீடியோ இங்கே