சீன தொழிலதிபருக்கு அமெரிக்காவில் 30 ஆண்டுகள் சிறைத்தண்டனை

பெய்ஜிங்கில் உள்ள கம்யூனிஸ்ட் அரசாங்கத்திற்கு எதிரான ஒரு போராளியாகத் தன்னை முன்னிறுத்திய, நாடு கடத்தப்பட்ட சீனப் பெரும் தொழிலதிபர் மைல்ஸ் குவோ, முதலீட்டாளர்களிடமிருந்து 1 பில்லியன் டாலரை மோசடி செய்த குற்றத்திற்காக அமெரிக்கச் சிறையில் 30 ஆண்டுகள் தண்டனை அனுபவிக்க உத்தரவிடபட்டுள்ளார்.

குவோ வெங்குய் என்றும் அறியப்படும் குவோவுக்கு, சீன அரசாங்கத்தின் மீதான தனது விமர்சனங்களால் ஈர்க்கப்பட்ட இணையப் பின்தொடர்பவர்களை ஏமாற்றியதாக நடுவர் மன்றம் அவரைக் குற்றவாளி எனத் தீர்ப்பளித்த கிட்டத்தட்ட இரண்டு ஆண்டுகளுக்குப் பிறகு, மன்ஹாட்டனில் உள்ள கூட்டாட்சி நீதிமன்றத்தில் தண்டனை விதிக்கப்பட்டது.

குவோவின் இரண்டு மாத கால விசாரணையை நடத்தி, தண்டனையை வழங்கிய அமெரிக்க மாவட்ட நீதிபதி அனலிசா டோரஸ், பாதிக்கப்பட்டவர்களுக்கு "பெரும் நிதி மற்றும் மன உளைச்சலை" ஏற்படுத்தியதற்காகவும், ஜனநாயக ஆதரவு நோக்கங்களுக்காக ஒதுக்கப்பட்ட பணத்தை "ஆடம்பர வாழ்க்கை முறைக்கு" நிதியளிக்கத் திருடியதற்காகவும் அவரைக் குற்றம் சாட்டினார்.

இச்செய்திக்கு பிரதான அனுசரணை

வீடியோ இங்கே