அமெரிக்காவில் பயங்கரம்: பள்ளிவாசலில் துப்பாக்கிச்சூடு – மூவர் கொடூரக் கொலை!
அமெரிக்காவின் கலிபோர்னியா மாகாணம், சென்டியாகோ (San Diego) நகரில் உள்ள மிகப்பெரிய பள்ளிவாசலான 'இஸ்லாமிக் சென்டர் ஆஃப் சென்டியாகோ' (ICSD) வளாகத்தில் பயங்கர துப்பாக்கிச்சூட்டுச் சம்பவம் ஒன்று அரங்கேறியுள்ளது.
பள்ளிவாசலுக்கு வெளியே மர்ம நபர்கள் இருவர் திடீரென நடத்திய துப்பாக்கிச்சூட்டில், அங்கு கடமையில் இருந்த பாதுகாப்பு அதிகாரி ஒருவரும், பள்ளிவாசலின் ஊழியர்கள் இருவருமாக மொத்தம் மூவர் சம்பவ இடத்திலேயே உயிரிழந்தனர்.
உயிரிழந்த பாதுகாப்பு அதிகாரி, துப்பாக்கிச்சூடு நடத்தியவர்களைத் தடுத்து நிறுத்த துணிச்சலுடன் செயற்பட்டதாகவும், அவரது இந்த வீரமிக்க செயலால் பள்ளிவாசல் வளாகத்தில் இருந்த பல உயிர்கள் காப்பாற்றப்பட்டதாகவும் காவல்துறை தெரிவித்துள்ளது.
இந்த பள்ளிவாசல் வளாகத்தில் இயங்கி வரும் இஸ்லாமியப் பாடசாலையின் (Bright Horizon Academy) மாணவர்கள் மற்றும் ஆசிரியர்கள் அனைவரும் எவ்வித காயங்களுமின்றி பாதுகாப்பாக வெளியேற்றப்பட்டனர்.
துப்பாக்கிச்சூடு நடத்திய பின்னர் காரில் தப்பியோடிய இரு சந்தேகநபர்களும், பள்ளிவாசலுக்கு சில தொகுதிகள் (Blocks) அப்பால் நிறுத்தப்பட்டிருந்த காரினுள் தங்களைத்தாங்களே சுட்டுக் கொண்டு சடலமாகக் கண்டெடுக்கப்பட்டனர்.
கைது செய்யப்படுவதற்கு முன்பாக அவர்கள் தற்கொலை செய்துகொண்டதாக போலீஸார் உறுதிப்படுத்தியுள்ளனர். உயிரிழந்த இவ்விரு இளைஞர்களும் 17 மற்றும் 18 வயதுடையவர்கள் (கெய்ன் கிளார்க் மற்றும் காலேப் வாஸ்குவெஸ்) என அடையாளம் காணப்பட்டுள்ளனர்.
துப்பாக்கிச்சூடு நடப்பதற்கு இரண்டு மணித்தியாலங்களுக்கு முன்பாகவே, சந்தேகநபரான 17 வயது சிறுவனின் தாயார் போலீஸாரைத் தொடர்பு கொண்டு, தனது மகன் தற்கொலை எண்ணத்துடன் ஆயுதங்கள் மற்றும் காரைத் திருடிக்கொண்டு நண்பருடன் தப்பியோடிவிட்டதாகப் புகார் அளித்திருந்தார்.
சந்தேகநபர்களில் ஒருவர் தற்கொலை செய்துகொள்ளப் போவதாகக் கடிதம் எழுதி வைத்துள்ளதுடன், இவர்கள் இருவரும் இஸ்லாமியர்களுக்கு எதிரான வெறுப்புப் பிரசாரங்களில் (Hate Rhetoric) ஈடுபட்டதற்கான ஆதாரங்கள் கிடைத்துள்ளதால், இதனை ஒரு "வெறுப்புக் குற்றமாக" (Hate Crime) கருதி எஃப்.பி.ஐ (FBI) மற்றும் உள்ளூர் போலீஸார் இணைந்து தீவிர விசாரணை நடத்தி வருகின்றனர்.
அமெரிக்க அதிபர் மற்றும் அரசியல் தலைவர்களின் கண்டனம்: இந்தத் துப்பாக்கிச்சூட்டுச் சம்பவம் குறித்து அமெரிக்க அதிபர் டொனால்ட் ட்ரம்ப் (Donald Trump) வெள்ளை மாளிகையில் செய்தியாளர்களிடம் பேசுகையில்: "இது மிகவும் கொடூரமான மற்றும் ஆபத்தானதொரு சூழ்நிலையாகும் (Terrible situation). இது குறித்து எனக்கு ஆரம்பகட்ட விபரங்கள் வழங்கப்பட்டுள்ளன.
இந்த விவகாரத்தில் எங்களது பலத்த கவனம் செலுத்தப்பட்டு, தீவிரமாக ஆராயப்படும்," எனத் தெரிவித்துள்ளார்.
(வீடியோ இங்கே )
சிறப்பு கட்டுரை
சினிமா செய்திகள்
வர்த்தக வியாபாரங்கள்
இலங்கை மாவட்ட செய்திகள்
