இலங்கையில் பதின்மவயது கர்ப்பங்கள் அதிகரிப்பு - எச்சரிக்கும் காவல்துறை!
இலங்கையில் பதின்வயது கர்ப்பங்கள் அதிகரித்து வருவதாக தெரிவிக்கப்பட்டுள்ளது.
இது தொடர்பில் இலங்கை காவல்துறை ஒரு பொது விழிப்புணர்வு அறிக்கையை வெளியிட்டுள்ளது.
அந்த அறிக்கையில் குழந்தைகளைப் பாதுகாக்க வலுவான குடும்ப மற்றும் சமூக ஈடுபாட்டை வலியுறுத்தியுள்ளது.
அந்த அறிக்கையில் மேலும் தெரிவிக்கப்பட்டுள்ளதாவது, பதின்வயது கர்ப்பங்களுக்குக் காரணமாக அமையும் முக்கிய சமூகவியல் காரணிகளில் ஒன்று, குடும்பங்களுக்குள் உணர்ச்சிப் பிணைப்புகள் படிப்படியாகச் சிதைந்து போவதாகும்.
பெற்றோர்களும் பாதுகாவலர்களும் தங்கள் பிள்ளைகளுடன் வலுவான மற்றும் ஆதரவான உறவுகளைப் பேணுவதில் மிகுந்த கவனம் செலுத்த வேண்டும் என்று அது வலியுறுத்துகிறது.
கடுமையான வாழ்க்கை முறைகள் காரணமாக, சில பெற்றோர்களால் தங்கள் மகள்களின் அன்றாட வாழ்க்கை, ஆர்வங்கள், கவலைகள் மற்றும் உணர்ச்சித் தேவைகளைப் புரிந்துகொள்ளப் போதுமான நேரத்தைச் செலவிட முடிவதில்லை என்று காவல்துறை ஊடகப் பிரிவு குறிப்பிடுகிறது.
வீட்டில் அன்பும் கவனமும் கிடைக்கவில்லை என்று உணரும்போது, சில இளம் பெண்கள் குடும்பத்திற்கு வெளியே உள்ளவர்களிடமிருந்து பாசம், கவனிப்பு மற்றும் புரிதலை நாடக்கூடும் என்று காவல் நிலையங்களில் பெறப்பட்ட முறைப்பாடுகள் சுட்டிக்காட்டுகின்றன என்றும் மேலும் கூறப்பட்டுள்ளது.
இத்தகைய சட்டவிரோத மற்றும் முன்கூட்டிய கர்ப்பங்கள், கல்வி தடைபடுதல், குழந்தைப்பருவ இழப்பு மற்றும் எதிர்கால லட்சியங்களில் நீண்டகால பாதிப்பு உள்ளிட்ட கடுமையான விளைவுகளை ஏற்படுத்தக்கூடும் என்றும் அந்த அறிக்கையில் எச்சரிக்கை விடுக்கப்பட்டுள்ளது.
(வீடியோ இங்கே )
இச்செய்திக்கு பிரதான அனுசரணை
வீடியோ இங்கே
இது தொடர்பா வேற என்னலாம் நடந்திருக்குனு தெரிஞ்சுக்கலாமா?
சிறப்பு கட்டுரை
சினிமா செய்திகள்
வர்த்தக வியாபாரங்கள்
இலங்கை மாவட்ட செய்திகள்
