தண்டனை அனுபவித்து வந்த கைதி உயிரிழப்பு : பொலிஸார் மீது குற்றச்சாட்டு!

வெலிக்கடை சிறையில் போதைப்பொருள் குற்றச்சாட்டின் பேரில் தண்டனை அனுபவித்து வந்த கைதி ஒருவர், திடீரெ உயிரிழந்துள்ளார்.

 பொரெல்லவைச் சேர்ந்த 40 வயதான ஆர். ஒஷாதா சஞ்சீவ என்ற நபரே இவ்வாறு உயிரிழந்துள்ளதாக அடையாளம் காணப்பட்டுள்ளார்.

 அந்தக் கைதி சிறையிலிருந்து தப்பிச் சென்றதாகவும், பின்னர் அதிகாரிகளால்  மீண்டும் சிறைக்குக் கொண்டுவரப்பட்டதாகவும் கூறப்படுகிறது. சிறை அதிகாரிகள் அவரைக் கொடூரமாகத் தாக்கியதாக அந்தக் கைதியின் உறவினர்கள் குற்றம் சாட்டுகின்றனர்.

 இந்தச் சம்பவம் தொடர்பாக இதுவரை சுமார் 10 பேரிடம் வாக்குமூலம் பதிவு செய்யப்பட்டுள்ளதுடன், பொரெல்லா காவல்துறையின் இரண்டு சிறப்புப் புலனாய்வுக் குழுக்களால் விசாரணைகள் நடைபெற்று வருவதாக அறிவிக்கப்பட்டுள்ளது.

 இதற்கிடையில், உயிரிழந்த கைதியின் உறவினர்கள் குழுவினர், இந்தச் சம்பவம் குறித்து வாக்குமூலம் பதிவு செய்வதற்காக இன்று (04) பொரெல்லா காவல்துறைக்கு வரவழைக்கப்பட்டதாகவும் தெரிவிக்கப்பட்டுள்ளது.