வெள்ளவத்தை ராமகிருஷ்ணா மண்டபத்தில் நேற்று (மே 3) பிற்பகல் நடைபெற்ற அகில இலங்கை கம்பன் கழகத்தின் வரலாற்றுச் சிறப்புமிக்க “கம்பன் விழா” நிகழ்வில், இலங்கை ஜனாதிபதி மற்றும் இந்திய அரசியல் முக்கியஸ்தர்கள் பங்கேற்றது தெற்காசிய அரசியலிலும் கலாசார ரீதியிலும் பெரும் கவனத்தை ஈர்த்துள்ளது.

தமிழ் இலக்கிய உலகிற்குப் பெருமை சேர்க்கும் கவிச்சக்கரவர்த்தி கம்பரின் பெயரால் வழங்கப்படும் உயரிய "கம்பன் விருது", இந்த ஆண்டு ஜனாதிபதி அநுர குமார திசாநாயக்க அவர்களுக்கு வழங்கி கௌரவிக்கப்பட்டது. 

அகில இலங்கை கம்பன் கழகத்தினர் இதனை அவருக்கு வழங்கினர். இலக்கியம், இசை மற்றும் நடனம் ஊடாக இளைய தலைமுறையினரை நல்வழிப்படுத்தும் கம்பன் கழகத்தின் சேவையை ஜனாதிபதி வெகுவாகப் பாராட்டினார். 

"தேசப்பற்று மற்றும் தர்மத்தின் வழியில் சமூகத்தைக் கட்டியெழுப்ப இத்தகைய கலாசார விழுமியங்கள் அவசியம்" என அவர் தனது உரையில் வலியுறுத்தினார்.

இந்த நிகழ்வில் இந்திய ஆளும் கட்சியான பாஜகவின் தமிழக முக்கியஸ்தர் கே. அண்ணாமலை சிறப்பு விருந்தினராகக் கலந்துகொண்டார். இலங்கை மற்றும் தமிழகத்திற்கு இடையிலான கலாசார உறவுகளை வலுப்படுத்தும் ஒரு நிகழ்வாக இது பார்க்கப்படுகிறது.

லங்கா4 (Lanka4)

(வீடியோ இங்கே )