மட்டக்களப்பு மாவட்டத்தின் சித்தாண்டி பகுதியில் தாயை கொன்றதாக குற்றம் சாட்டப்பட்ட 19 வயது இளைஞர் ஒருவர் போலீசாரால் கைது செய்யப்பட்டுள்ளார்.

பழைய சந்தை வீதியில் வசித்து வந்த 42 வயதுடைய பெண் ஒருவர் உயிரிழந்துள்ளார். சம்பவத்தின் போது, இளைஞர் தனது தாயிடம் மது அருந்துவதற்காக பணம் கேட்டதாக கூறப்படுகிறது. 

ஆனால், பணம் இல்லை எனத் தாய் தெரிவித்ததால் இருவருக்குமிடையில் தகராறு ஏற்பட்டுள்ளது.

இந்த தகராறு தீவிரமடைந்த நிலையில், ஆத்திரமடைந்த மகன் தாயை தள்ளியதாகவும், அதனால் அவர் கீழே விழுந்து தலையில் கடுமையாக காயம் அடைந்ததாகவும் தகவல்கள் தெரிவிக்கின்றன. 

இதன் விளைவாக, அந்த பெண் சம்பவ இடத்திலேயே உயிரிழந்தார். சம்பவத்திற்குப் பிறகு இடத்தை விட்டு தப்பியோடிய சந்தேகநபரை போலீசார் பின்னர் கைது செய்துள்ளனர். 

உயிரிழந்த பெண்ணின் உடல் பிரேத பரிசோதனைக்காக மட்டக்களப்பு போதனா வைத்தியசாலைக்கு அனுப்பப்பட்டுள்ளது. இந்தச் சம்பவம் தொடர்பாக மேலதிக விசாரணைகள் நடைபெற்று வருகின்றன.

லங்கா4 (Lanka4)

(வீடியோ இங்கே