எரிபொருள் விலை குறைப்பு!

மாதாந்த விலை சூத்திரத்தின்படி, நேற்று (31.08) நள்ளிரவு முதல் அமுலுக்கு வரும் வகையில் எரிபொருளின் விலையை திருத்தியமைக்க இலங்கை பெற்றோலியம் சட்டப்பூர்வ கூட்டுத்தாபனம் தீர்மானித்துள்ளது. 

இதன்படி, ஒக்டேன் 92 பெற்றோல் லீற்றர் ஒன்றின் விலை 12 ரூபாவினால் குறைந்துள்ளதுடன், அதன் புதிய விலை 332 ரூபாவாகும்.

 95 ஒக்டேன் பெற்றோலின் விலை 2 ரூபாவினால் குறைக்கப்பட்டுள்ளதுடன், அதன் புதிய விலை 377 ரூபாவாகும். லங்கா ஒயிட் டீசல் லீற்றர் ஒன்றின் விலை 10 ரூபாவினால் குறைக்கப்பட்டு அதன் புதிய விலை 307 ரூபாவாகும்.  

லங்கா சுப்பர் டீசல் லீற்றர் ஒன்றின் விலை 3 ரூபாவால் குறைக்கப்பட்டு அதன் புதிய விலை 352 ரூபாவாகும். இலங்கை மண்ணெண்ணெய் விலையில் மாற்றம் இல்லை என பெற்றோலிய சட்டக் கூட்டுத்தாபனம் தெரிவித்துள்ளது.