உலக சாதனை புத்தகத்தில் இடம்பிடித்துள்ள நுவரெலியாச் சிறுவன்!

அதிக உடல் உறுப்புக்களின் பெயர்களைக் கூறி, சிறுவன் ஒருவன் உலக சாதனை புத்தகத்தில் இடம்பிடித்துள்ளார்.

 நுவரெலியா - லவ்வர்ஸ் லீஃப் பகுதியைச் சேர்ந்த 6 வயதான கலைநேசன் ஹர்சித் என்ற சிறுவனே இந்த சாதனையை படைத்துள்ளார். கல்வி இராஜாங்க அமைச்சர் அருணாச்சலம் அரவிந்த் குமாரின் முன்னிலையில் இந்த நிகழ்வு இடம்பெற்றுள்ளது.

 குறித்த சிறுவன் தமக்கு காண்பிக்கப்பட்ட சகல உடல் உறுப்புக்களின் பெயர்களையும் சரியாகக் கூறி இந்த சாதனையை படைத்துள்ளார்.

 அத்துடன் சோழன் உலக சாதனை புத்தக நிறுவனத்தின் இலங்கை கிளையின் துணைத் தலைவர் ஸ்ரீநாகவாணி ராஜா மற்றும் பொதுச் செயலாளர் இந்திரநாத் பெரேரா ஆகியோர் குறித்த சிறுவனின் சாதனையை உறுதி செய்து அவருக்கான சான்றிதழை வழங்கியுள்ளனர்.