இலங்கையில் இருந்து மலேசியா ஊடாக குழந்தைகள் கடத்தப்படுவதாக தகவல்!

இந்த நாட்டிலிருந்து மலேசியா ஊடாக பிற நாடுகளுக்கு சிறுவர்கள் கடத்தப்படுவது தொடர்பில் குற்றப் புலனாய்வுத் திணைக்களத்தின் ஆட்கடத்தல், கடத்தல் விசாரணை மற்றும் கடல்சார் குற்றப் பிரிவினர் விசாரணைகளை ஆரம்பித்துள்ளனர். 

அந்த பிரிவிற்கு கிடைத்த முறைப்பாட்டின் அடிப்படையிலேயே இந்த நடவடிக்கை எடுக்கப்பட்டுள்ளது. 

பொலிஸ் ஊடகப்பிரிவு நடத்திய விசாரணையில், வடகிழக்கு பகுதிகளில் வசிக்கும் 18 வயதுக்குட்பட்ட தமிழ்த் தேசிய சிறுவர்கள் மலேசியாவுக்கு அனுப்பப்படுவதாக அடையாளம் காணப்பட்டுள்ளதாக பொலிஸ் ஊடகப் பிரிவு அறிவித்துள்ளது.  

இந்த குழந்தைகள் இந்த நாட்டில் இருந்து மலேசியா செல்வதற்கு சட்டபூர்வ கடவுச்சீட்டை பயன்படுத்துவதாகவும், மலேசியாவில் போலி கடவுச்சீட்டு தயாரித்து பிரான்ஸ் மற்றும் பிரித்தானியாவுக்கு அனுப்புவதாகவும் தெரியவந்துள்ளது.  

இந்த நாட்டிலிருந்து சுமார் 13 சிறுவர்கள் மலேசியாவுக்கு அனுப்பப்பட்டுள்ளதாகவும், இதில் இடைத்தரகர் கடத்தல்காரர் ஒருவர் ஈடுபட்டுள்ளதாகவும் தெரியவந்துள்ளது. 

குற்றப் புலனாய்வுத் திணைக்களத்தின் ஆட்கடத்தல், விசாரணைகள் மற்றும் கடல்சார் குற்றப் பிரிவினர் மேலதிக விசாரணைகளை மேற்கொண்டு வருகின்றனர்.