சஜித்தின் கூட்டணியில் இணைய இணக்கப்பாட்டுக்கு வராத டலஸ் குழுவினர்

எதிர்க்கட்சித் தலைவர் திரு.சஜித் பிரேமதாச தலைமையில் உருவாக்கப்படவுள்ள புதிய அரசியல் கூட்டமைப்பில் இணைவதற்கு நாடாளுமன்ற உறுப்பினர் டலஸ் அழகப்பெரும குழுவினர் இறுதி இணக்கப்பாட்டுக்கு வரவில்லை எனத் தெரிவிக்கப்படுகிறது.

 எவ்வாறாயினும், அந்தக் குழு வந்தாலும் இல்லாவிட்டாலும், புதிய அரசியல் கூட்டணியை அமைப்பதில் சமகி ஜன பலவேக கட்சி உறுதியான நிலையில் உள்ளது. 

 டலஸ் அழகப்பெருமவுடன் இருக்கும் 13 பாராளுமன்ற உறுப்பினர்களில் 09 பேர் தமது கட்சியுடன் இருப்பதாக அவர்கள் குறிப்பிடுகின்றனர். 

 புதிய கூட்டணிக்கான அரசியலமைப்பு ஏற்கனவே தயாரிக்கப்பட்டு விட்டதாகவும், அது தற்போது கூட்டணியின் தலைவர்களால் ஆய்வு செய்யப்பட்டு வருவதாகவும் குறிப்பிடப்பட்டுள்ளது.