ஜப்பானில் கானுன் புயல் காரணமாக 260 விமானங்கள் ரத்து

ஜப்பான் நாட்டின் தெற்கு பகுதியில் கானுன் என்ற புதிய புயல் உருவாகி உள்ளது. இது கடற்கரையிலிருந்து நகர்ந்து இறுதியில் ஒகினாவா மற்றும் அமாமியை அடையும் என்று எதிர்பார்க்கப்படுகிறது. அப்போது 198 கிலோ மீட்டர் வேகம் வரை காற்று வீசும் என அந்த நாட்டின் வானிலை ஆய்வு மையம் எச்சரித்துள்ளது. இதன் விளைவாக, கணிசமான மழை பெய்யும் சாத்தியக்கூறுகள் இருப்பதால், தாழ்வான பகுதிகளில் வசிக்கும் நபர்கள் பாதுகாப்பான இடங்களுக்கு வெளியேறுமாறு அறிவுறுத்தப்பட்டுள்ளனர்.

இந்நிலையில் கானுன் புயல் முன்னெச்சரிக்கை நடவடிக்கையாக 264 விமானங்கள் ரத்து செய்யப்பட்டுள்ளதால் உள்நாட்டு மற்றும் வெளிநாட்டுக்கு செல்ல வேண்டிய பயணிகள் கடுமையான பாதிப்புக்குள்ளாகினர்.