சிறுமியின் நடத்தையால் பொலிஸ் நிலையத்தில் நஞ்சருந்திய பெற்றோர்!

பதின்மூன்று வயது மகள் துஷ்பிரயோகத்திற்கு உள்ளாக்கப்பட்டதை அறிந்து கடும் அதிர்ச்சியும் அவமானமும் அடைந்த பெற்றோர்கள் பொலிஸ் நிலையத்தில் விஷம் அருந்திய நிலையில் ஆபத்தான கட்டத்தில் வெலிமடை வைத்தியசாலையில் அனுமதிக்கப்பட்டுள்ளனர்.

 இச் சம்பவம் நேரு முன்தினம் இடம்பெறுள்ளது. வெலிமடையைச் சேர்ந்த சிவக்குமார் மற்றும் சரோஜா என்ற தம்பதியினரே வைத்தியசாலையில் அனுமதிக்கப்பட்டுள்ளனர்.

 பதின்மூன்று வயது மகளின் மோசமான நடத்தையால், இந்த தம்பதியினர் சில காலமாக கடும் விரக்தியில் வாழ்ந்து வருகின்றனர்.

 இந்த சிறுமி 28 வயதுடைய இளைஞனுடன் காதல் உறவு கொண்டிருந்ததாகவும், கடந்த ஆறு நாட்களாக அந்த இளைஞனுடன் வாழ்ந்து வந்ததாகவும் பொலிஸ் வட்டாரங்கள் தெரிவிக்கின்றன.

 பின்னர், வெலிமடை நகரில் சுற்றித் திரிந்த சிறுமியை, நகர மக்கள் அளித்த தகவலின்படி பொலிஸார் கைது செய்தனர். மேலும் சிறுமியை மருத்துவ பரிசோதனைக்கு உட்படுத்த பொலிசார் ஏற்பாடு செய்துள்ளனர், அங்கு சிறுமி பாலியல் பலாத்காரம் செய்யப்பட்டுள்ளது தெரியவந்துள்ளது.

 பின்னர் சிறுமியின் பெற்றோரை வரவழைத்த பொலிசார் சிறுமியை அவர்களிடம் ஒப்படைத்தனர். அப்போது சிறுமி பலாத்காரம் செய்யப்பட்டிருப்பது பெற்றோருக்கு தெரியவந்தது. 

இதனால் அதிர்ச்சியடைந்த பெற்றோர் காவல் நிலையத்திற்குள் விஷம் குடித்து தற்கொலைக்கு முயன்றனர்.

 பின்னர், தம்பதியை வெலிமடை மருத்துவமனையில் அனுமதிக்க காவல்துறை அதிகாரிகள் ஏற்பாடு செய்துள்ளனர்.

 பதின்மூன்று வயது சிறுமியை துஷ்பிரயோகம் செய்த 28 வயதுடைய நபரை பொலிஸார் கைது செய்துள்ளனர். வெலிமடை பொலிஸ் நிலைய பிரதான பரிசோதகர் சம்பத் அபேவிக்ரம தலைமையில் விசாரணைகள் இடம்பெற்று வருகின்றன.