நாட்டின் பொருளாதாரம் எப்போது சரியாகும் என்று கூற முடியாது - மத்திய வங்கி ஆளுநர்

சர்வதேச நாணய நிதியத்தின் உதவியுடன், மறுசீரமைப்பு மற்றும் பொருளாதாரத்தை மீட்டெடுப்பதற்கான வெற்றிகரமான நடவடிக்கைகள் இருந்தபோதிலும், இலங்கையின் பொருளாதாரம் எப்போது மீண்டு வரும் என்பது குறித்து உறுதியான திகதியை அறிவிப்பது கடினம் என மத்திய வங்கியின் ஆளுநர் நந்தலால் வீரசிங்க தெரிவித்துள்ளார்.

கொழும்பில் இலங்கை பத்திரிக்கையாளர் சங்கம் ஏற்பாடு செய்திருந்த விசேட நிகழ்வில் கலந்து கொண்டு உரையாற்றும் போதே அவர் இவ்வாறு தெரிவித்தார்.
அடுத்த சில வாரங்களில் அத்தியாவசியப் பொருட்களின் சீரான விநியோகத்தை பராமரிக்க நாங்கள் முயற்சி செய்கிறோம்.

இந்த ஆண்டின் பிற்பகுதியில் மேலும் பல திட்டங்களைத் தொடங்க நாங்கள் எதிர்பார்க்கிறோம்.

எல்லாம் சரியாக நடந்தால், அடுத்த ஆண்டு பொருளாதாரம் மீண்டும் பாதைக்குத் திரும்பும்.

எதிர்காலத்தில் பெரும்பாலான இலங்கையர்கள் வேலை இழக்க நேரிடலாம். அவர்கள் வறுமைக் கோட்டிற்குக் கீழே கூட இருக்க வேண்டியிருக்கும்.

 எதிர்காலத்தில் பொதுமக்களுக்கு பண மானியங்கள் மற்றும் பிற ஊக்குவிப்புகளை வழங்க எதிர்பார்த்துள்ளோம்.

அந்நியச் செலாவணி கையிருப்பு குறைந்து வருவதுதான் முக்கியப் பிரச்னை.

இலங்கையின் வாராந்த இறக்குமதிக்குக் கூட இது போதாது.

அடுத்த சில ஆண்டுகளில் ஏழு கடனாளிகளுக்குச் செலுத்த எங்களுக்கு  டொலர் 6 பில்லியன் தேவை.

ஏப்ரல் 12, 2022 அன்று, கடனாளிகளுக்கு செலுத்த வேண்டிய கடனை இடைநிறுத்த இலங்கை நடவடிக்கை எடுத்தது.

மறுசீரமைப்பு என்பது மற்றொரு கடினமான செயலாகும், ஆனால் மத்திய வங்கி பேச்சுவார்த்தை நடத்தி உடன்பாட்டை எட்டியுள்ளது.

சர்வதேச நாணய நிதியத்தின் பேச்சுக்கள் பொதுவாக 2-3 மாதங்கள் நீடிக்கும்.

இலங்கையின் வெளிநாட்டுக் கடன் நிலையானதாக இல்லாததால், கடன் பொறுப்புகள் நிலையான நிலைக்குக் கொண்டுவரப்படும் வரை சர்வதேச நாணய நிதியத்தின் உதவியைப் பெறுவது கடினமாகும்.

இலங்கை தனது கடனை ஒருபோதும் மறுசீரமைக்கவில்லை. எனவே, இலங்கைக்கு இந்தச் செயற்பாட்டில் அனுபவம் இல்லை எனவும் அவர் மேலும் தெரிவித்தார்.

அத்தியாவசியப் பொருட்களின் இறக்குமதியில் அதிக கவனம் செலுத்த வேண்டும்.

எரிபொருள், எரிவாயு போன்ற அத்தியாவசியப் பொருட்களை இறக்குமதி செய்கிறோமா? அல்லது மற்ற பொருட்களை இறக்குமதி செய்ய அனுமதிக்கிறீர்களா? சிந்திக்க வேண்டும்.

எரிவாயு, எரிபொருள், மருந்து, உணவு போன்ற அத்தியாவசியப் பொருட்களுக்கு முன்னுரிமை அளிக்க வேண்டும் என அவர் மேலும் தெரிவித்தார்.

இச்செய்திக்கு பிரதான அனுசரணை

வீடியோ இங்கே