நடுக்கடலில் இரண்டு படகுகள் மோதி விபத்து: வடமராட்சி கிழக்கில் சம்பவம்

வடமராட்சி கிழக்கு கடற்பரப்பில் மீன்பிடிக்கச் சென்று கொண்டிருந்த மீன்பிடி படகு மற்றுமொரு படகுடன் மோதியுள்ளதாக தெரிவிக்கப்படுகின்றது.

மீனவர்கள் இருவரும் கடலுக்கு மீன்பிடிக்கச் சென்ற போது,  அதே நேரத்தில் குறித்த படகுடன் மற்றொரு படகு மோதியதால் மீனவர்கள் இருவரும் தண்ணீரில் குதித்து உயிர் தப்பினர்.

இரவில் ஒரே நேரத்தில் எந்தப் படகு மோதியது என்பது தெளிவாகத் தெரியவில்லை என குறித்தமீனவர்கள் தெரிவித்துள்ளனர்.

இது இந்திய மீன்பிடிக் கப்பலா அல்லது கடற்படைக் கப்பலாக இருக்கலாம் என சந்தேகிப்பதாக மீனவர்கள் தெரிவித்தனர்.

எனினும் மீனவர்களின் படகு விபத்தில் சிக்கிய சிறிது நேரத்தில் கடற்படை கப்பல் ஒன்று வந்து மீனவர்கள் இருவரையும் கப்பலையும் கரைக்கு கொண்டு வந்தது.

விபத்தில் சிக்கிய மீன்பிடி படகு பாரியளவில் சேதமடைந்துள்ளதுடன், பருத்தித்துறை சுப்பர்மடத்தை சேர்ந்த ஒருவருக்கு சொந்தமானதுடன், சம்பவம் தொடர்பான மேலதிக விசாரணைகளை பருத்தித்துறை பொலிஸார் மேற்கொண்டு வருகின்றனர்.

இச்செய்திக்கு பிரதான அனுசரணை

வீடியோ இங்கே