ஆபாசப் படங்களை அனுப்பிய நபர் - எட்டு வாரம் சிறை $20,000 அப­ரா­தம்

தீய நோக்கம் கொண்ட ஓர் இணை­யத்­த­ளத்­து­டன் தொடர்­புடைய ஒரு டெலி­கி­ராம் குழுவைச் சேர்ந்த நான்கு பேரை காவல்­துறை கைது செய்­தது.

அவர்­களில் ஒரு­வ­ருக்கு நேற்று சிறைத்­தண்­டனை விதிக்­கப்­பட்­டது.

அந்த இணை­யத்­த­ளம் ஆபாச காணொ­ளி­க­ளை­யும் படங்­க­ளை­யும் பகிர்ந்து வந்­தது. லிங்­கன் ஆண்டனி ஃபெர்னாண்டஸ் என்­ப­வ­ருக்கு எட்டு வாரம் சிறைத்­தண்­டனையும் $20,000 அப­ரா­தமும் விதிக்­கப்­பட்­டது.

இணை­யம்வழி ஆபா­சப் படங்­களை அனுப்­பி­ய­தா­கக் கூறும் இரண்டு குற்­றச்­சாட்­டு­க­ளின் பேரில் அவர் குற்­றத்தை ஒப்­புக்­கொண்­டார். ஆபா­சப் படங்­களை வைத்­தி­ருந்­த­தா­கக் கூறும் ஒரு குற்­றத்­தை­யும் அவர் ஒப்­புக்­கொண்­டார்.

அந்த 31 வயது சிங்­கப்­பூ­ரர், 20 ஆண்­டு­க­ளாக இயங்­கும் ‘சேமி­பாய்’ என்ற இணை­யத்­த­ளத்­து­டன் தொடர்­பு­டைய ஒரு குழு­வைச் சேர்ந்­த­வர். அந்த இணை­யத்தளத்­தில் பல ஆண்டு கால­மாக படங்­களைப் பகிர்ந்­து­வந்த பல ஆடவர்­களுக்கு எதி­ராக நீதி­மன்ற நட­வடிக்கை எடுக்­கப்­பட்டு உள்­ளது.

ஃபெர்னாண்டஸ் அந்­தக் குழு­வில் 2017 பிற்­ப­கு­தி­யில் சேர்ந்­தார். 2019ல் அவர் மூன்று ஆபா­சப் படங்­களை டெலி­கி­ராம் செய்­திச் சேவை வழி­யாக குழு உறுப்­பி­னர்­க­ளுக்கு அனுப்­பி­னார். அந்த உறுப்­பி­னர்­களின் எண்­ணிக்கை ஏறத்­தாழ 25,000. அந்­தக் குழு பற்றி 23 வயது மாது ஒரு­வர் 2019 அக்­டோ­பர் 24ஆம் தேதி காவல்­து­றை­யி­டம் புகார் தெரி­வித்­தார். அதற்கு அடுத்த மாதம் அதி­கா­ரி­கள் ஃபெர்னாண்டசின் வீட்­டிற்­குச் சென்­ற­போது அங்கு 118 ஆபா­சப் படங்­க­ளைக் கைப்பற்றினர்.

கைதாகி இருக்­கும் நால்­வ­ரில் நீதி­மன்றத் தண்­ட­னைக்கு உட்­பட்டு இருக்­கும் முத­லா­வது நபர் ஃபெர்னாண்டஸ். அவ­ருக்கு $5,000 பிணை அனு­ம­திக்­கப்­பட்டு உள்­ளது.

அவர் ஜன­வரி 3ஆம் தேதி அரசு நீதி­மன்­றத்­துக்­குத் திரும்பி தண்­டனையை அனு­ப­விக்கத் தொடங்க வேண்­டும் என்று உத்­த­ர­வி­டப்­பட்டு உள்­ளது.

வோங் மிங் ஜுன், 28, டான் இயோவ் சோங், 40, யீ விங் கே, 47 ஆகிய மூவ­ருக்­கும் எதி­ரான வழக்கு இன்­ன­மும் நிலு­வை­யில் இருக்­கிறது.