மெட்டா நிறுவனத்திற்கு 880 மில்லியன் டாலர் அபராதம் விதித்த இத்தாலி
பயனர்களின் அனுமதியின்றி அவர்களின் புகைப்படங்களை அணுகியதற்காக, மெட்டா நிறுவனத்திற்கு இத்தாலிய ஒழுங்குமுறை ஆணையம் 805 மில்லியன் யூரோக்கள் (880 மில்லியன் டாலர்) அபராதம் விதித்துள்ளது.
ஆண்ட்ராய்டு சாதனங்களில் உள்ள ஃபேஸ்புக் செயலி, "இத்தாலியப் பயனர்களின் ஸ்மார்ட்போன்களில் சேமிக்கப்பட்டிருந்த புகைப்படங்கள், வீடியோக்கள் மற்றும் அதனுடன் தொடர்புடைய மெட்டாடேட்டாவை, அவர்களின் குறிப்பிட்ட அனுமதியின்றியும் அவர்களுக்குத் தெரிவிக்காமலும் அணுகியுள்ளது" என்று இத்தாலிய தரவு தனியுரிமை ஆணையமான காரண்டே குறிப்பிட்டுள்ளது.
ஃபேஸ்புக்கில் இருக்கும் போது பதிவிடுவதற்காக, தொலைபேசியில் இருந்து புகைப்படங்களையும் வீடியோக்களையும் பரிந்துரைகளைப் பெறுங்கள்" என்ற அம்சத்துடன் தொடர்புடையது.
இந்த அம்சம், ஐரோப்பிய ஒன்றியத்தின் ePrivacy வழிகாட்டுதலைச் செயல்படுத்தும் இத்தாலிய சட்டத்தை மீறுவதாக அந்த ஆணையம் குறிப்பிட்டுள்ளது.
805 மில்லியன் யூரோக்கள் என்ற இந்தத் தொகை, இத்தாலிய ஒழுங்குமுறை ஆணையத்தால் இதுவரை விதிக்கப்பட்ட அபராதங்களிலேயே மிகப்பெரியதாகும்.
